• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
سپورت 14 قىركۇيەك, 2023

وليمپيادا كوميتەتىنىڭ ماراپاتى

280 رەت
كورسەتىلدى

الماتىداعى «ينتەر­كون­تينەنتال» قوناقۇيىندە ۇلتتىق وليم­پيادا كومي­تەتىنىڭ (ۇوك) قۇرىلعانىنا 30 جىل تولۋىنا وراي ۇلكەن مەرەكەلىك ءىس-شارا ءوتتى. وعان اتال­­عان ۇيىمنىڭ پرە­­زيدەنتى تيمۋر قۇ­لى­باەۆ جانە وسى سا­لانىڭ باسى-قا­سىندا جۇرگەن كوپ­تە­گەن ازامات قاتىس­تى.

الاتاۋ بوكتەرىندە وتكەن سال­­­تاناتتى ءىس-شارا بارىسىندا ۆلاديمير سميرنوۆ, ەرماحان ىبى­رايىموۆ, ولگا شيشيگينا جانە الەكساندر ۆينوكۋروۆ ۇوك-تىڭ وردەنىمەن ماراپاتتالدى. بۇل ەسىمنىڭ بارلىعى دا جان­كۇيەرلەرگە ەتەنە تانىس. ماسەلەن, ۆ.سميرنوۆ – تاۋەل­سىز قازاقستان سپورتى تاري­حىن­داعى تۇڭعىش وليمپيادا چەمپيونى. بۇل اتاققا ول 1994 جىلى ليللەحاممەردە الاۋى تۇ­تانعان قىسقى ويىنداردا قول جەتكىزدى. سول كەزدە داڭقتى شاڭ­عىشىمىز 50 شاقىرىمدىق قاشىق­تىقتا الدىنا جان سالماي, سكان­ديناۆيا تۇبەگىندە قازاق ەلىنىڭ ءانۇرانىن شىرقاتتى. ودان بولەك, ۆلاديمير وليم­پيا ويىندارىندا تاعى 4 كۇمىس پەن 2 قولانى ول­جالاپ, الەم چەمپيونات­تارىندا 11 (4 التىن+4 كۇمىس+2 قولا) رەت جەڭىس تۇعىرىنا كوتەرىلدى.

بوكسشى ە.ىبىرايىموۆ – سيد­نەي وليمپياداسىنىڭ جەڭىم­پازى, اتلانتا وليم­پيادا­سىنىڭ قولا جۇل­دەگەرى. جۋان جۇدى­رىق­تى جىگىتىمىز 1997 جىلى بۋ­دا­پەشت­تەگى الەم چەم­پيو­ناتىنىڭ في­نالىندا كۇش سىناسسا, 1999 جىلى حيۋس­توندا قولا مە­دالدى موي­نىنا ءىلدى. جەلاياق و.شيشيگينا – سيدنەيدە وتكەن وليمپيا ويىندارىندا التىننان القا تاعىپ, دۇنيەجۇزىلىك دودادا ەكى رەت جۇلدەگەرلەر ساناتىنا قوسىلدى. ۆەلوشاباندوز ا.ۆينوكۋروۆ عاسىرلار توعىسىندا وليمپيادانىڭ كۇمىسىنە قول سوز­سا, 2012 جىلى لوندوندا جەڭىس تۇعى­رىنىڭ ەڭ بيىك ساتىسىنا كو­تەرىلدى.

ەسىمدەرى جوعارىدا اتالعان ساڭلاقتاردان بولەك, جاندوس كو­كىموۆ, مالىك نادىربەكوۆ, ءمۇ­سىلىم دايىربەكوۆ, امانكەلدى رىم­­قۇلوۆ, تۇرسىنعالي ەدى­لوۆ, يۋري گۋسكوۆ, ۆاديم پري­­سياج­نيۋك, الەك­سەي كازاكوۆ, ەلەنا حرۋس­­تالەۆا, دميتري بالان­دين جانە تاعى باسقا ماماندار مەن باپ­كەرلەر, سپورتشىلار ۇوك-تىڭ مەدالىن كەۋ­دەسىنە تاقتى. ما­­راپاتتالعانداردىڭ قاتا­رىن­دا ەسەي جەڭىس ۇلى, گالينا مۋ­لەن­كوۆا, گالينا پولەۆايا جانە سەر­­گەي رايليان سەكىلدى ءوزى­مىز­دىڭ ارىپ­­تەس-جۋرناليستەر دە بول­دى.

سوڭعى جاڭالىقتار