ۇستەل تەننيسىنەن 2024 جىلعى ازيا چەمپيوناتى الماتىدا وتەدى. بۇل اقپاراتتى ATTU راستاپ وتىر.
– قازاقستان قاي سپورت تۇرىنەن بولسا دا جارىستاردى اسا جوعارى دەڭگەيدە وتكىزەدى. سولاردىڭ قاتارىندا ۇستەل تەننيسى دە بار. بۇيىرتسا, ازيا چەمپيوناتى دا سول دارەجەدە ۇيىمداستىرىلادى. بۇعان دەيىن ءبىزدىڭ ەلدە تمد مەن ورتالىق ازيا مەملەكەتتەرى اراسىنداعى دودا جانە «World Tour Grand Finals» پەن «Contender» سەرياسىنداعى باسەكەلەردىڭ جالاۋى جەلبىرەدى. ەندى ازيا چەمپيوناتىن وتكىزۋگە بەل بۋىپ وتىرمىز. بۇل جارىستار ەلىمىزدە سپورتتىڭ وسى ءتۇرىنىڭ دامۋىنا تىڭ سەرپىن بەرەتىنىنە سەنىمدىمىن, – دەيدى ۇستەل تەننيسىنەن رەسپۋبليالىق فەدەراتسيانىڭ پرەزيدەنتى دانيار ابۋلعازين.
ەستەرىڭىزگە سالا كەتەيىك, كۇنى كەشە عانا اياقتالعان ازيا چەمپيوناتىندا ەل قۇراماسى شيرەك فينالعا دەيىن جەتىپ, 2024 جىلى شىمىلدىعى تۇرىلەتىن الەم چەمپيوناتىنا جولداما الدى.