ۇيلەستىرۋ كەڭەسىنىڭ كەزەكتى وتىرىسى

ءىس-شاراعا دۇنيەجۇزىلىك بانك, ەۋروپا­لىق قايتا قۇرۋ جانە دامۋ بانكىنىڭ وكىل­دەرى, ورتالىق مەملەكەتتىك ورگاندار, «اتامەكەن» ۇكپ, «قازاقستان تەمىرجولى» ۇلتتىق كوم­پانياسى جانە «سامۇرىق-قازىنا» ۇلت­تىق ءال-اۋقات قورىنىڭ باسشىلارى قاتىستى.

وتىرىستا الماتى, جامبىل, قىزىل­ور­دا جانە تۇركىستان وبلىستارىندا جالپى اۋدانى 105 مىڭ گەكتاردان اساتىن يرريگا­تسيالىق جانە درەناجدىق جۇيە­لەردى سالۋ مەن رەكونسترۋكتسيالاۋ, سونداي-اق 1 500 اۋىلدىق ەلدى مەكەندى جىلدام ينتەرنەتكە قوسۋدىڭ وزەكتى ماسەلەلەرى تالقىلاندى. بۇل شامامەن 200 مىڭ ءۇي شارۋاشىلىعىن نەمەسە 1 ملن-نان اسا ادامدى قامتيدى.

سونىمەن قاتار ءوڭىردىڭ كولىك بايلانىسىن جاقسارتۋعا, لوگيستيكالىق قىزمەتتەر مەن ساۋدا-ساتتىقتى دامىتۋدى ىنتالاندىرۋعا مۇمكىندىك بەرە­تىن «قاراعاندى – جەزقازعان» اۆتوجولىن رەكونسترۋكتسيالاۋ, سونداي-اق اقتوبە قالاسىندا جاڭا كارىز-تازارتۋ عيما­راتتارىن سالۋ جوسپارلارى قارالدى.

ودان بولەك, قاتىسۋشىلار بىرقا­تار تەمىرجولدى جاڭعىرتۋ, جاڭا جولاۋشىلار ۆاگوندارى مەن ەلەكتروۆوزداردى ساتىپ الۋ ماسەلەلەرىن تالقىلادى.

وتىرىس قورىتىندىسى بويىنشا پرەمەر-مينيستر مەملەكەتتىك ورگاندار­دىڭ ءبىرىنشى باسشىلارىنا حالىقارالىق قارجى ۇيىمدارىنان تارتىلاتىن قاراجات­تىڭ ۋاقتىلى جانە ءتيىمدى پايدالانىلۋىنا باقىلاۋدى كۇشەيتۋدى تاپسىردى.