اقكول اۋدانىنىڭ پروكۋراتۋراسى ساۋىقتىرۋ, تۋريستىك جانە سپورتتىق ماقساتتار ءۇشىن ۇزاق مەرزىمگە پايدالانۋعا بەرىلگەن ورمان قورى ۋچاسكەلەرىن مەملەكەتكە قايتاردى, دەپ حابارلايدى Egemen.kz.
مەملەكەتكە قايتارىلعان ورمان قورى ۋچاسكەسىنىڭ جالپى اۋدانى - 118,9 گەكتار.
«جالپى قۇنى 678 ملن تەڭگە بولاتىن ۋچاسكە مەملەكەت مەنشىگىنە قايتارىلدى», دەپ حابارلادى اقمولا وبلىسى پروكۋراتۋراسىنىڭ ءباسپاسوز قىزمەتى.بۇل ورمان تەلىمدەرى بويىنشا 2016 جىلدان باستاپ بەلگىلەنگەن ماقساتقا ساي پايدالانىلماعانى, جالداۋ اقىسى تولەنبەگەنى انىقتالدى.
سونىمەن قاتار كاسىپكەرلەر ورمان ورتتەرى قاۋپىنىڭ جوعارى دارەجەسىنە قاراماستان, ولاردىڭ الدىن الۋ بويىنشا ءىس-شارالار جۇرگىزبەگەن, ورتكە قارسى جوسپارلار ازىرلەنبەگەن.
«جوعارىدا اتالعان ءمان-جايلار اۋدان پروكۋراتۋراسىنىڭ اكتىسى بويىنشا اراداعى شارتتاردى بۇزۋعا نەگىز بولدى», دەلىنگەن اقمولا وبلىسى پروكۋراتۋراسى ءباسپاسوز قىزمەتىنىڭ حابارلاماسىندا.2023 جىلى 21 ماۋسىمدا الماتى قالاسى اكىمدىگى تەررەنكۋرداعى سۋ ايدىنىنىڭ ءبىر بولىگىن مەملەكەت مەنشىگىنە قايتارعانى بەلگىلى بولدى. بۇل تۋرالى قالا اكىمى ەربولات دوساەۆ ءمالىم ەتتى.