استانادا ءوتىپ جاتقان فورۋمنىڭ الەمدىك ءمان-ماڭىزى ەرەكشە. بەيبىتشىلىك پەن قاۋىپسىزدىكتى قامتاماسىز ەتۋ باعىتىنداعى اشىق اڭگىمە الاڭى داعدارىستاردى ەڭسەرۋ ءۇشىن بۇكىل الەمنىڭ كۇشىن بىرىكتىرىپ وتىر.
وسى تۇرعىدا ەكونوميكالىق جانە الەۋمەتتىك كەڭەستىڭ نەگىزگى ماقساتى – بارلىق ەلدەردە «قۋاتتى, يننوۆاتسيالىق جانە ناقتىلى ىسكە اسىرىلاتىن ساياسي باسشىلىقتى» قامتاماسىز ەتۋ ەكەنىن باسا ايتقىم كەلەدى. الەمنىڭ تۇكپىر-تۇكپىرىنەن كەلگەن ديپلوماتتار, بۇۇ وكىلدەرى مەن ساراپشىلار گەنوتسيد, ەتنوستىق تازارتۋ, اسكەري قىلمىستار مەن ادامزاتقا قارسى قىلمىستاردىڭ الدىن الۋ شارالارىن جان-جاقتى تالقىلادى. گەنوتسيد بەلگىلى ءبىر ۇلتقا, ناسىلگە نەمەسە دىنگە جاتاتىن ادامدار توبىنا قارسى باعىتتالعان ارەكەتتەردى بىلدىرەدى. بۇۇ جاھاندىق داعدارىستار, سونىڭ ىشىندە قاقتىعىستار مەن ازىق-ت ۇلىك پەن ەنەرگيا باعاسىنىڭ ءوسۋى اياسىندا مۇنداي قاتىگەزدىكتىڭ قاۋپى ارتا ءتۇستى دەپ بىلەدى.
جاعدايدى COVID-19 پاندەمياسىنىڭ سالدارى جانە كليماتتىڭ وزگەرۋى قيىنداتىپ جىبەردى. وسى تۇرعىدا بۇكىل ادامزاتقا ورتاق نەگىزگى قۇقىقتار مەن بوستاندىقتاردى قورعاۋدىڭ ءرولى ەرەكشە. ولاردى جۇيەلى جۇزەگە اسىرۋ ءۇشىن حالىقارالىق ۇنقاتىسۋدى كۇشەيتىپ, وسىنداي ءوزارا ءتيىمدى فورۋمداردى ءجيى وتكىزىپ تۇرۋ كەرەك.
لاچەزارا ستوەۆا,
بولگاريانىڭ بۇۇ جانىنداعى تۇراقتى وكىلى, بۇۇ ەكونوميكالىق جانە الەۋمەتتىك كەڭەسىنىڭ توراعاسى