ادەتتە ەڭبەكقور, تىنىمسىز ادامنىڭ اتقارعان جۇمىسىن باعالاعاندا, «جۇگىرىپ ءجۇرىپ قىزمەت ەتتى» دەپ سيپاتتاپ جاتامىز عوي. وسى سيپاتتى تۋرا ماعىناسىندا ەكولوگيالىق ءىس-شاراعا قاتىستى دا قولدانۋعا بولادى ەكەن. مۇنىڭ ءبىر كورىنىسى – مەكتەپ ءبىتىرۋشى تۇلەكتەردىڭ اينالانىڭ تازالىعىنا تيگىزگەن قولعابىسى.
سەنبى كۇنى وبلىستىق ءبىلىم باسقارماسى «تۇلەكتەردەن – تابيعاتقا!» دەپ اتالاتىن پلوگگينگ ۇيىمداستىردى. پلوگگينگ «جۇگىرىپ ءجۇرىپ قوقىس جيناۋ» دەگەن ماعىنا بەرەدى. شۆەد ەنتۋزياسى ەريك السترەم 2016 جىلى نەگىزىن قالاعان جەڭىل-جەلپى, كوتەرۋگە جارايتىن, سالماق تۇسىرمەيتىن قوقىستى تازارتۋ ماقساتىن كوزدەيتىن ەكولوگيالىق ءىس-شارا جىلدان-جىلعا ءبىزدىڭ ەلىمىزدە دە تانىمال بولىپ كەلەدى.
پلوگگينگكە وبلىس بويىنشا مۇعالىمدەر, اتا-انالارىمەن بىرگە بيىلعى مەكتەپ ءبىتىرۋشى 1 420 تۇلەك قاتىستى. ولار پلوگگينگتى ء«بىز تابيعاتتى قورعايمىز!» ۇرانىمەن وتكىزدى.
ۇلىتاۋ وبلىسى