قاراعاندى وبلىسىنداعى اۋىل مەكتەپتەرىنىڭ اۆتوپاركى تاعى سەگىز جاڭا اۆتوبۋسپەن تولىقتى. كولىك جول قاۋىپسىزدىگى تالاپتارىنا تولىق جاۋاپ بەرەدى. اۆتوبۋستار Hyundai Trans Auto زاۋىتىندا جاسالعان.
«قاراعاندىعا الماتى قالاسىنداعى Hyundai Trans Auto زاۋىتىندا جاسالعان سەگىز, جاڭا قىرىق ورىندىق مەكتەپ اۆتوبۋسى كەلدى. بۇل كولىكتەر اباي, بۇقار جىراۋ, قارقارالى, شەت اۋداندارى مەن تەمىرتاۋ قالاسى اقتاۋ كەنتىنىڭ بالالارىن قاۋىپسىز تاسىمالداۋدى قامتاماسىز ەتەدى, – دەيدى ءبىلىم باسقارماسىنىڭ باسشىسى گۇلسىم قوجاحمەتوۆا.
بىلتىردان بەرى اۋىل مەكتەپتەرىنە زاماناۋي 27 اۆتوبۋس بەرىلدى. كولىكتەر قازىرگى زامان تالاپتارىنا ساي. اتاپ ايتقاندا, مەكتەپ سومكەلەرىنە ارنالعان سورەلەرمەن, ەسىك اشىلعاندا قوزعالىستى بۇعاتتاۋ جۇيەسىمەن جابدىقتالعان. جىلدامدىعىن 60 كم/ساعاتتان اسىرمايتىن شەكتەۋ تەتىگى بار.
بۇعان دەيىن QazTehna زاۋىتىنىڭ 19 جاڭا اۆتوبۋسى اۋىل مەكتەپتەرىنە تابىستالعان بولاتىن.
قاراعاندى