تاماقتانۋدىڭ دا ءتارتىبى بار

الماتى قالاسىنداعى ءبى­لىم بەرۋدەگى جاڭا تەحنولوگيالار عىلىمي-ادىستەمەلىك ورتالىعىنىڭ ءبولىم باسشىسى تاتيانا ەجوۆانىڭ ايتۋىنشا, «سالاماتتى تاماقتانۋ مەكتەبى» باعدارلاماسى 2013 جىلى باستالعان. 10 جىل ىشىند­ە پەداگوگتەردىڭ جانە اتا-انا­لاردىڭ كۇشىمەن ءبىرشاما ءىس تىندىرىلعان. ماسەلەن, بىل­تىر باعدارلاما اياسىندا مۇعالىمگە ارنالعان ادىستەمەلىك قۇرالدان, جۇمىس پاراقتارىنان جانە وقۋشىلارعا ارنالعان پرەزەنتاتسيالاردان تۇراتىن جاڭا تسيفرلىق كۋرس قۇرىلدى. ول ساراپتامادان ءساتتى ءوتىپ, جاڭا وقۋ جىلىندا ىسكە قوسىلادى. اتالعان كۋرس استانا مەن ال­ماتىنىڭ عانا ەمەس, ەلىمىزدىڭ بارلىق ءوڭىرىنىڭ پەداگوگتەرى ءۇشىن قولجەتىمدى بولادى.

استانا قالاسىنداعى ادىس­تەمەلىك ورتالىقتىڭ باسشىسى سىندار داۋەشوۆانىڭ ايتۋىنشا, دەنى ساۋ وقۋشىنى تاربيەلەۋ – جالپىعا ورتاق ءارى كەشەندى ماسەلە. «سوندىقتان باستاۋىش سىنىپتاردا دۇرىس تاماقتانۋدىڭ ماڭىزى تۋرالى ءبىلىم مەن يدەيالاردى جۇيەلى تۇردە الۋى ءۇشىن وقۋ-تاربيە ۇدەرىسىن قۇرۋ ماڭىزدى. بۇل باعىتتاعى ءتيىمدى قۇرالدىڭ ءبىرى – «سالاماتتى تاماقتانۋ مەك­تەبى» باعدارلاماسى. ول باس­تاۋىش سىنىپ وقۋشىلارى­نا ارنالعان. ويتكەنى ءدال وسى جاستا مىنەز-ق ۇلىقتىڭ بارلىق نور­ماسى, كۇن ءتارتىبى مەن تاماقتانۋ ءتارتىبى بەلگىلەنەدى», دەيدى س.داۋەشوۆا.

پەداگوگيكا عىلىمدارىنىڭ كانديداتى الەكساندرا ما­كەەۆانىڭ ايتۋىنشا, قوعامدا دەنساۋلىق مادەنيەتىن ىلگە­رىلەتۋ ارنايى اعارتۋ جۇ­مى­سىن­سىز مۇمكىن ەمەس. ويت­كەنى پايدالى ادەتتەردىڭ قالىپ­تاسۋى نەعۇرلىم ەرتە باستالسا, ناتيجە دە سوعۇرلىم ءتيىمدى بولادى.

ەسكە سالا كەتەيىك, «سالا­مات­­تى تاماقتانۋ مەك­تەبى» باعدار­لاماسى «نەستلە. دەنى ساۋ بالالار» جاھاندىق باس­تا­ماسى اياسىندا جۇزەگە اسىرىلىپ كەلەدى. ونىڭ ماقساتى – 2030 جىلعا قاراي دۇنيە جۇزىندەگى 50 ميلليون بالاعا سالاماتتى ءومىر سالتىن ۇستانۋعا كومەك­تەسۋ. «سالاماتتى تاماق­تانۋ مەكتەبى» 2013 جىلدان باستاپ استانا مەن الماتى مەكتەپ­تەرىندە جۇمىس ىستەپ كە­لە­دى. باعدارلاما 6-8 جاستاعى بالا­لارعا باعىتتالعان ءارى مۇعا­لىمدەر وتكىزەتىن ساباق­تار جۇيەسى ارقىلى جۇزەگە اسىرىلا­دى. ول قازاق تاماقتانۋ اكادەمياسىمەن جانە «ورلەۋ» ورتالىعىمەن بىرلەسىپ ازىرلەن­گەن. وسى كۇنگە دەيىن 60 مىڭ­عا جۋىق بالا «سالاماتتى تاماق­تانۋ مەكتەبىمەن» تانىس­قان.