بۇگىندە الماتى وبلىسىنىڭ اۋماعىندا 208 جانار-جاعارماي قۇيۋ ستانسالارى جۇمىس ىستەيدى. وعان قوسا 22 مۇناي قويماسى بار. وسىنداعى «مۇناي جانە گاز اقپاراتتىق-تالداۋ ورتالىعى» اق دەرەكتەرىنە سايكەس, وڭىردەگى ديزەل وتىنىنىڭ جالپى كولەمى – 8434,8 توننانى قۇرايدى.
– قازىرگى ۋاقىتتا جانارماي قۇيۋ ستانسالارىنىڭ قورلارىندا ديزەل وتىنى – 1527,3 توننا (تاۋلىكتىك قاجەتتىلىك 348 توننا, 6 كۇنگە), اي-92 – 2711,1 توننا, (تاۋلىكتىك قامتاماسىز ەتىلۋى 7-8 كۇن), سونداي-اق, اي- 95 ماركالى بەنزين – 2150,9 توننا. بۇگىنگى كۇنى 52 ججم ستانسالارىندا ديزەل وتىنى تاپشى. جانار-جاعارمايدىڭ شەكتى باعالارى بەكىتىلگەننەن كەيىن, وبلىستا بارلىق جانار-جاعارماي قۇيۋ ستانسالارى وتكەن كولەم قالدىقتارىن ساتۋعا بايلانىستى جاڭا باعا دالىزىنە كوشكەن جوق. مىسالى, كەگەن اۋدانىندا ديزەل باعاسى 230 تەڭگە كۇيىندە بولسا, قاراساي, جامبىل اۋداندارىنداعى «Qazaq Oil» جانە «GASENERGY» جەلىلىك جانارماي قۇيۋ بەكەتتەرىندە بۇرىنعى باعامەن ساتىلۋدا. جانار-جاعارماي قۇيۋ ستانسالارى شارۋاشىلىق سۋبەكتىلەر بولعاندىقتان, ونىڭ يەلەرى شەكتى باعالاردى ەسكەرە وتىرىپ, ججم باعاسىن كوتەرۋ تۋرالى شەشىمدى وزدەرى قابىلدايدى, دەيدى وبلىستىق كاسىپكەرلىك جانە يندۋستريالىق-يننوۆاتسيالىق دامۋ باسقارماسى, ساۋدا دامىتۋ ءبولىمىنىڭ باسشىسى ءادىل ابىلداەۆ.
باس ماماننىڭ مالىمەتىنشە, اي-92 ماركالى بەنزين باعاسىنىڭ ءوسۋى كەگەن جانە رايىمبەك اۋدانىنان باسقا بارلىق وڭىرلەردە 202 تەڭگە بولىپ بەلگىلەنگەن.