پاۆلودار قالاسى اكىمىنىڭ ورىنباسارىنا 4,1 ميلليون تەڭگە ايىپپۇل سالىندى, دەپ حابارلايدى Egemen.kz Pavlodarnews.kz سايتىنا سىلتەمە جاساپ.
پاۆلودار قالاسى اكىمىنىڭ ورىنباسارى ارسلان قالياقباروۆقا مەملەكەتتىك ساتىپ الۋلارداعى زاڭ بۇزۋشىلىقتار ءۇشىن 4,1 ميلليون تەڭگە ايىپپۇل سالىندى. قۇقىق بۇزۋشىلىق قالياكباروۆ قالالىق تۇرعىن ءۇي-كوممۋنالدىق شارۋاشىلىق, جولاۋشىلار كولىگى جانە اۆتوموبيل جولدارى ءبولىمىنىڭ باسشىسى بولعان كەزەڭدە ورىن العان.
سوت وتىرىسىندا كەلتىرىلگەن مالىمەتتەرگە سايكەس, قالياكباروۆ 2022 جىلى ءبىر كوزدەن الۋ تاسىلىمەن 17 تىكەلەي مەملەكەتتىك ساتىپ الۋ شارتىن جاساسقان, ونىڭ ىشىندە قالا الاڭدارىن, ساياباقتاردى, كوشەلەردى جوندەۋ جانە كۇتىپ ۇستاۋ, اتاۋى وزگەرتىلگەن كوشەلەرگە بەلگىلەردى دايىنداۋ, كونتەينەر الاڭدارى, زيرات قورشاۋلارى جانە جاعالاۋدى اباتتاندىرۋ سەكىلدى جوبالار بار. جاسالعان مەملەكەتتىك ساتىپ الۋ تۋرالى شارتتاردىڭ جالپى سوماسى ەكى ميلليارد تەڭگەگە جۋىقتادى.
سىبايلاس جەمقورلىققا قارسى قىزمەت اگەنتىگىنىڭ پاۆلودار وبلىسى بويىنشا باسقارماسىنىڭ قىزمەتكەرلەرى كەلىسىم-شارتتاردىڭ زاڭ بۇزۋشىلىقپەن, ءتيىستى كونكۋرستىق راسىمدەرسىز جاسالعانىن انىقتاپ, بۇل تۋرالى قازاقستان رەسپۋبليكاسى قارجى مينيسترلىگىنىڭ ىشكى مەملەكەتتىك اۋديت كوميتەتىنە جانە وبلىستىق دەپارتامەنتكە حابارلاعان.
«اتالعان دەرەك بويىنشا پاۆلودار وبلىسى بويىنشا ىشكى مەملەكەتتىك اۋديت دەپارتامەنتى لاۋازىمدى تۇلعا ا.س.قالياكباروۆقا قاتىستى قر اقبتك-ءنىڭ 207-بابىنىڭ 11-بولىگىمەن 17 اكىمشىلىك قۇقىق بۇزۋشىلىق تۋرالى ءىس قوزعادى, سوت ولاردى ءبىر ىسكە بىرىكتىردى», دەپ حابارلادى سوت كەڭسەسى.
قالياكباروۆتىڭ سوتتا پاۆلودار قالاسىنىڭ تۇرعىن ءۇي-كوممۋنالدىق شارۋاشىلىق ءبولىمىنىڭ باسشىسى رەتىندە بارلىق 17 كەلىسىم-شارتتى جاساپ, وعان قول قويعانىن راستاي وتىرىپ, انىقتالعان بۇزۋشىلىقتار بويىنشا ءوز كىناسىن مويىنداماعانى اتاپ وتىلگەن.
ارسلان قالياكباروۆانىڭ ادۆوكاتى اكىمشىلىك ءىستى توقتاتۋدى سۇرادى. سوت شەنەۋنىكتىڭ ۋاجدەرىن نەگىزسىز دەپ تاپتى.
«پاۆلودار قالاسىنىڭ اكىمشىلىك قۇقىق بۇزۋشىلىق ىستەر جونىندەگى مامانداندىرىلعان سوتى قالياكباروۆتى اقبتك-ءنىڭ 207-بابىنىڭ 11-بولىگى بويىنشا كىنالى دەپ تانىپ, 17 قۇقىق بۇزۋشىلىقتىڭ ارقايسىسى ءۇشىن 100 اەك مولشەرىندە ايىپپۇل سالۋ تۇرىندەگى اكىمشىلىك جازا قولدانۋ تۋرالى شەشىم قابىلدادى. بۇل رەتتە, اقبتك-ءنىڭ 829-11-بابىنىڭ 2-بولىگىنىڭ نەگىزىندە سوت اكىمشىلىك ايىپپۇل سوماسىن 30 پايىزعا, ياعني 1 190 اەك-كە دەيىن ازايتۋدى مۇمكىن دەپ سانايدى. سالىنعان ايىپپۇلدىڭ جالپى سوماسى 4 105 500 تەڭگە», دەلىنگەن سوت كەڭسەسىندە جاريالانعان قاۋلىدا.
سوت ۇكىمى زاڭدى كۇشىنە ەنگەن جوق.