2014 جىلعى 27 ماۋسىم, استانا, ۇكىمەت ءۇيى
جەڭىل ديستيللياتتاردى جانە ونىمدەردى, كەروسيندى, گازويلداردى جانە وزگە مۇناي ونىمدەرىن اكەتۋگە ۋاقىتشا تىيىم سالۋدى ەنگىزۋ تۋرالى
2008 جىلعى 25 قاڭتارداعى ءۇشىنشى ەلدەرگە قاتىستى تاريفتىك ەمەس رەتتەۋدىڭ بىرىڭعاي شارالارى تۋرالى كەلىسىمنىڭ 9-بابىنا, 2009 جىلعى 9 ماۋسىمداعى ءۇشىنشى ەلدەرگە قاتىستى بىرىڭعاي كەدەندىك اۋماقتا تاۋارلاردىڭ سىرتقى ساۋداسىن قوزعايتىن شارالاردى ەنگىزۋ جانە قولدانۋ ءتارتىبى تۋرالى كەلىسىمنىڭ 8-بابىنا جانە 2010 جىلعى 9 جەلتوقسانداعى قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى قازاقستان رەسپۋبليكاسىنا مۇناي جانە مۇناي ونىمدەرىن جەتكىزۋ سالاسىنداعى ساۋدا-ەكونوميكالىق ىنتىماقتاستىق تۋرالى كەلىسىمگە سايكەس مۇناي ونىمدەرىنىڭ ىشكى نارىعىندا مۇلدەم جەتىسپەۋشىلىكتى جانە باعانىڭ ءوسۋىن بولدىرماۋ ماقساتىندا قازاقستان رەسپۋبليكاسىنىڭ ۇكىمەتى قاۋلى ەتەدى:
1. تۇرمىستىق پەش وتىنىنان باسقا, جەڭىل ديستيللياتتار مەن ونىمدەردى (كو سەق تن كودى 2710 12), ورتاشا ديستيللياتتاردى, كەروسيندى, گازويلداردى, ديزەل وتىنىن (كو سەق تن كودى 2710 19 110 0 - 2710 12 480 0, 2710 20 110 0 - 2710 20 190 0), موتور مايلارىن (كو سەق تن كودى 2710 19 820 0), گيدراۆليكالىق ماقساتتارعا ارنالعان سۇيىقتاردى (كو سەق تن كودى 2710 19 840 0), اقشىرايلى مايلاردى (كو سەق تن كودى 2710 19 860 0), تەگەرشىك ءۇشىن مايلار (كو سەق تن كودى 2710 19 880 0), ەلەكتر يزولياتسيالىق مايلاردى (كو سەق تن كودى 2710 19 940 0) جانە وزگە دە مۇناي ونىمدەرىن (كو سەق تن كودى 2710 20 900 0) اكەتۋگە التى اي مەرزىمگە تىيىم سالىنسىن.
2. قازاقستان رەسپۋبليكاسى قارجى مينيسترلىگىنىڭ كەدەندىك باقىلاۋ كوميتەتى زاڭنامادا بەلگىلەنگەن تارتىپپەن وسى قاۋلىنىڭ 1-تارماعىنىڭ ورىندالۋى بويىنشا باقىلاۋدى قامتاماسىز ەتسىن.
3. «قازاقستان تەمىر جولى» ۇلتتىق كومپانياسى» اكتسيونەرلىك قوعامى (كەلىسىم بويىنشا) زاڭنامادا بەلگىلەنگەن تارتىپپەن وسى قاۋلىنىڭ 1-تارماعىن ىسكە اسىرۋ جونىندە شارالار قابىلداسىن.
4. قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگى بەلگىلەنگەن تارتىپپەن:
1) وسى قاۋلىنىڭ 1-تارماعىندا كورسەتىلگەن تىيىم سالۋدىڭ ەنگىزىلگەندىگى تۋرالى ەۋرازيالىق ەكونوميكالىق كوميسسيانى حاباردار ەتسىن;
2) ەۋرازيالىق ەكونوميكالىق كوميسسيانىڭ قاراۋىنا وسى قاۋلىنىڭ 1-تارماعىندا كورسەتىلگەن شارالاردى كەدەن وداعىنا قاتىسۋشى باسقا مەملەكەتتەردىڭ قولدانۋى تۋرالى ۇسىنىستار ەنگىزسىن.
5. قازاقستان رەسپۋبليكاسى سىرتقى ىستەر مينيسترلىگى وسى قاۋلى رەسمي جاريالانعان كۇنىنەن باستاپ كۇنتىزبەلىك ون ءتورت كۇن ىشىندە قازاقستان رەسپۋبليكاسىنىڭ ۇكىمەتى قابىلدايتىن سىرتقى ساۋدا قىزمەتىن رەتتەۋ جونىندەگى شارالار تۋرالى ەۋرازيالىق ەكونوميكالىق قوعامداستىقتىڭ ينتەگراتسيالىق كوميتەتىنىڭ حاتشىلىعىن حاباردار ەتسىن.
6. وسى قاۋلى 2014 جىلعى 1 شىلدەدەن باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.