استانا. 25 ماۋسىم. كاسىپكەرلەرگە وتاندىق بيزنەستى قولداۋعا جانە ەل ەكونوميكاسىن دامىتۋعا بايلانىستى بايىپتى مىندەت جۇكتەلدى. ۇلتتىق كاسىپكەرلەر پالاتاسىنىڭ ءبىرىنشى سەزىندە ۇكىمەت باسشىسى كارىم ءماسىموۆ وسىلاي دەدى. بۇل تۋرالى «قازاقپارات» حابارلادى.
ك.ءماسىموۆ: «مەملەكەت باسشىسى ەل دامۋىنداعى وتاندىق بيزنەستىڭ ءرولى مەن مانىنە ەرەكشە نازار اۋدارىپ كەلەدى. سىزدەردىڭ ۇلتتىق كاسىپكەرلەر پالاتاسىن قۇرۋ تۋرالى باستامالارىڭىزعا پرەزيدەنت قولداۋ كورسەتتى. سىزدەرگە وتاندىق بيزنەستى قولداۋ جانە دامىتۋ بويىنشا بايىپتى مىندەت جۇكتەلدى», – دەدى.
ۇكىمەت باسشىسى سونىمەن قاتار قىسقا مەرزىم ىشىندە ۇلتتىق كاسىپكەرلەر پالاتاسىن ۇيىمداستىرۋ ءىسى اياقتالىپ, ونىڭ تولىق قالىپتاسقانىنا توقتالدى.
جولدىباي بازار.
دەرەككوز: «قازاقپارات».
فوتو: ortcom.kz.