حالىق الدىنداعى جاۋاپكەرشىلىك

الىپ تەرريتوريامىزدىڭ يگى­لىگىن كورۋ ءۇشىن الدىمەن اگ­رارلىق ساياساتتى دامىتۋ ما­ڭىزدى. ال اگرارلىق ساياسات اۋىل-ايماقتا جاتىر. وسىنى ەسكەرگەن پرەزيدەنت اۋىلدىڭ جىلدار بويى قوردالانعان ماسەلەلەرىن جۇيەلى تۇردە شەشۋدى قولعا الۋدى تاپسىردى. اۋىلعا ەڭ الدىمەن قولدى بولعان جەرىن – جايىلىمى مەن ەگىسىن قايتارۋ كەرەك. ەكىنشى اۋىل شارۋاشىلىعىن جۇرگىزۋگە قاجەتتى, ماسەلەن سۋمەن قامتۋ سەكىلدى كەلەلى ىستەردى شەشۋ دە كۇن تارتىبىندە تۇرعان وزەكتى سۇراقتىڭ ءبىرى. سۋسىز ەگىنشىلىك تە, باۋ-باقشا دا, مال شارۋاشىلىعى دا العا باسپايتىنى بەلگىلى. سونداي-اق ەسكىرگەن تەحنيكالاردى جاڭالاۋ قاجەتتىگى تۋىنداپ وتىر. شارۋا قوجالىقتارىنا ناقتى قولداۋ كورسەتۋ ءۇشىن وسىنداي العا باستىرار ماسەلەلەر تەز ارادا شەشىلۋگە ءتيىس. قازىر اۋىل شارۋاشىلى­عىن دامىتۋ ءۇشىن مەملەكەتتىك باعدارلامالار ازىرلەندى, قارجى قاراستىرىلعان دەسەك تە, اۋىل-ايماققا ودان بەتەر كوڭىل ءبولۋ ەلدىڭ جاعدايىن جاقسارتادى. ەل تۇرعىندارىنىڭ 40 پايىزىن وڭىرلەردە, سالت-ءداستۇرىمىزدىڭ قايماعى بۇزىلماعان اۋىلدارداعى تۇرعىندار قۇرايدى. پرەزيدەنتتىڭ قابىلداپ وتىرعان شەشىمى وسى اۋىل-ايماقتى الداعى 5 جىلدا وركەندەتۋدى كوزدەپ وتىر.

ۇلىقتاۋ ءراسىمى كەزىندە پرەزي­دەنت كوتەرگەن ماڭىزدى ماسەلەنىڭ ءبىرى – زاڭسىز شىعارىلعان كاپيتالدى قايتارۋ. شەتەل اسىپ كەتكەن قارجىنى قايتارۋ ءۇشىن ارنايى زاڭ جوباسى ازىرلەنبەك. قازاق «كەتكەن مالدان قايىر جوق, ەگەر ىزدەگەنى بولماسا» دەيدى. مەملەكەت باسشىسى قاسىم-جومارت توقاەۆ اۋىل بايلىعىنان تۇسكەن ءتۇرلى تابىستىڭ بارلىعىن شەتەل اسىپ كەتۋىنە جول بەرمەۋ قاجەتىن ايتىپ وتىر. ارينە, كەتكەن اقشاعا ىزدەۋ سالىپ, قايتقان قارجىنىڭ ءوزىن ەل مۇددەسىنە, مەملەكەتتىك باعدارلامالارعا, ستراتەگيالىق ءتۇرلى تەتىكتەرگە قولدانا ءبىلۋ بۇل دا اۋقىمدى جۇمىستى قاجەت ەتەدى. وسى ۋاقىتقا دەيىن الەۋمەتتىك تەڭسىزدىكتىڭ اسەرىنەن قوعامدا سەنىمسىزدىك, تەرىس كوزقاراس بەلەڭ العانى جاسىرىن ەمەس. سوندىق­تان شەتەلگە كەتكەن ەل بايلى­عىن, قازىناسىن ەل بىرلىگىن شاشىپ الماي قايتادان جيناقتاۋ قازىرگى مەملەكەت باسشىسىنىڭ العا قويعان بىردەن-ءبىر ماقساتى بولىپ وتىر.

بۇعان قوسا پرەزيدەنت شاعىن جانە ورتا بيزنەستىڭ دامۋىنا كەدەرگى كەلتىرەتىندەردىڭ ءبارى قاتاڭ جاۋاپقا تارتىلاتىنىن ايتىپ كەلەدى. قاسىم-جومارت توقاەۆ بۇل جەردە ليبەرالدىق ساياساتتى جۇرگىزۋ جايىن ءسوز ەتىپ وتىر. مەملەكەت ءاربىر كاسىپكەردىڭ قىزمەتىنە ارالاسپايدى جانە ونىڭ ءاربىر ىسىنە كەدەرگى بولماۋىن قاداعالايدى, اسىرەسە, بيزنەس يەلەرىنە موراتوري جاريالاۋ قاتاڭ باقىلانادى. مۇنداي جاعدايلار وكىنىشكە قاراي ەلىمىزدە بولدى. سوندىقتان بۇل ماسەلەنى پرەزيدەنت بەكەر قوزعاپ وتىر­عان جوق. ەلدى العا جىلجىتاتىن كاسىپكەرلىكتىڭ كوزى – شاعىن جانە ورتا بيزنەس, سول سەبەپتى ولاردىڭ جۇمىس جاساۋىنا تولىق مۇمكىندىك بەرۋىمىز كەرەك. ولاردىڭ كاسىبى ارقىلى ساپالى تاۋار شىعارىپ, ساپالى قىزمەت كورسەتۋ ارقىلى ەلدەگى ونەركاسىپ, ەكونوميكا سالاسى دامي بەرۋ كەرەك. سوندىقتان دا پرەزيدەنت مەملەكەت پەن كاسىپكەرلىك ارىپتەستىك دەڭگەيدە بولۋ كەرەك دەگەن قاعيداتتى ۇستانىپ وتىر.

ەلىمىز وسى جىلى الەۋمەتتىك, قوعامدىق كۇيزەلىستى باستان كەشىردى. وسى كەزدە تۇسكەن جۇك پەن جاۋاپكەرشىلىكتى بيلىك ەلمەن بىرگە كوتەردى. ءبىر-ءبىرىن ەستۋ, ءبىر-ءبىرىن قولداۋ, كونسترۋكتيۆتى ديالوگ قۇرۋ ارقىلى ءتۇرلى باستامالارعا قول جەتكىزدى. بۇل ءسوزسىز اتا زاڭىمىزداعى وز­گەرىستەر, قۇرىلىمدىق, كونس­تيتۋتسيونالدىق, دەموكراتيالىق وزگەرىستەردىڭ بارلىعى ساياسي رەفورما ارقىلى جۇزەگە استى, سونىڭ العاشقى لەگى رەتىندە كونستيتۋتسيالىق زاڭنامالار بەكىتىلدى. ەلىمىزدە ساياسي ءومىر قايتا جاڭعىرۋدى باستان وتكەرىپ جاتىر. بۇل – ساياسي پارتيالاردىڭ دۇنيەگە كەلىپ, ءاربىر بيلىك ورگاندارىنا ادىلەتتى سايلاۋ جولدارى ارقىلى ءوتىپ, ءاربىر تۇرعىننىڭ مۇددەسىن قورعايتىن دەپۋتاتتاردى, ءاربىر تۇرعىننىڭ مۇڭ-مۇقتاجىن تىڭدايتىن ۇكىمەت وكىلدەرىن قايتادان قالپىنا كەل­تىرۋ. وسىنىڭ بارلىعى ءسوز­سىز ازاماتتىق قوعامنىڭ زاڭ قۇرۋى­مەن بايلانىستى. سون­دىق­تان الداعى پرەزيدەنتىمىزدىڭ 7 جىلدىق مەر­­زىمىندە حالىق يگىلىگىنە ساي جۇ­مىستار اتقارىل­ماق, ونى بيلىك ءوز موينىنا الادى دەپ سەنەمىز. پرەزيدەنتتىڭ ۇستانىمى حالىق, تاريح, ار-وجدان الدىنداعى جاۋاپكەرشىلىك, ونىڭ ماقسات-مۇددەسى دە وسى.

ماقسات جاقاۋ,

ساياساتتانۋشى