قوستاناي. 26 مامىر. قوستاناي وبلىسىنداعى «قايراق» كەدەن بەكەتىندە 10 كيلوگرامعا جۋىق ماريحۋانا مەن گاشيش ەسىرتكىسىن ەلىمىزگە الىپ وتپەك بولعان رەسەي ازاماتى ۇستالدى. بۇل تۋرالى egemen.kz ءتىلشىسى حابارلادى.
ۇلتتىق قاۋىپسىزدىك كوميتەتىنىڭ شەكاراشىلارى مەن قوستاناي وبلىسى قارابالىق اۋداندىق ىشكى ىستەر ءبولىمى قىزمەتكەرلەرى رۋدنىي قالاسىنا جولاۋشىلار اۆتوبۋسىمەن كەلە جاتقان ماگنيتوگورسك (رەسەي) قالاسىنىڭ 28 جاستاعى تۇرعىنىن تەكسەرەدى. ناتيجەسىندە ونىڭ سومكەسىنەن سالماعى 10 كيلوگرامعا جۋىق ماريحۋانا مەن گاشيش زاتى تابىلادى.
قازىر كۇدىكتىنىڭ ۇستىنەن قىلمىستىق كودەكستىڭ 250-بابى, 4-ءبولىمى بويىنشا ءىس قوزعالدى.
رەسەي ازاماتى ەسىرتكى تاسىمالى ءۇشىن 20 جىلعا باس بوستاندىعىنان ايىرىلۋى مۇمكىن.
ءنازيرا جارىمبەتوۆا.
دەرەككوز: egemen.kz.
فوتو: fond-gbn.ru.