استانا. 25 مامىر. بۇگىن بەلارۋس استاناسى – مينسك قالاسىندا اياقتالىپ جاتقان حوككەيدەن الەم چەمپيوناتىندا شۆەتسيا قۇراماسى چەحيا كومانداسىن 3:0 ەتىپ ۇتىپ, قولا مەدالگە قول جەتكىزدى. بۇل تۋرالى چەمپيون.رۋ حابارلادى.
ويىن چەحتاردىڭ شابۋىلىمەن باستالدى. شۆەدتەر قورعانىسقا بارىنشا قاتتى كوڭىل ءبولىپ, قارسى شابۋىل جاساۋعا بەيىمدەلدى. وسى تاكتيكا تۇبىندە ترە كرۋنۋر جىگىتتەرىن جەڭىسكە جەتەلەدى. ولار ءبىر-بىرىمەن وتە تۇسىنىسە وينادى. قاتتى توزىمدىلىك تانىتقان شۆەدتەر ءبىرىنشى كەزەڭدە جاساعان قارسى شابۋىلدارى كەزىندە قارسىلاستار قاقپاسىنا ەكى شايبا سالىپ ۇلگەردى. ال سوڭعى كەزەڭدە تاعى ءبىر گول سوقتى. ولاردى يۋاكيم ليندسترەم (5-يا مينۋتا), سيمون يالمارسسون (16) جانە ميكاەل باكلۋند (49) ءوز ەسەپتەرىنە جازدى.
«ويىن كەزىندە قارسىلاستارىمىز بىزگە قاراعاندا الەۋەتتى كورىندى. ول قاقپالارعا جاسالعان سوققىلار سانىنان دا كورىنەدى. ال ءبىزدىڭ قاقپاشى اندەرس نيلسسون ماتچتى وتە تاماشا وتكىزدى. ول ءوز قاقپاسىنا بىردە-ءبىر شايبا سالدىرعان جوق. وسىنىڭ ارقاسىندا ءبىز قولا مەدال الا الدىق», - دەدى شۆەتسيا قۇراماسىنىڭ باس جاتتىقتىرۋشىسى پەر مورتس.
دامير قوجامقۇل.
دەرەككوز: چەمپيون.رۋ.
فوتو: چەمپيون.رۋ.