استانا. 24 مامىر. بۇگىن فۋتبولدان قازاقستان چەمپيوناتى پرەمەر-ليگاسىنىڭ 13-تۋرى ويىندارى وينالدى. بۇل تۋرالى egemen.kz ءتىلشىسى حابارلادى.
ءبىر قىزىعى, وينالعان 6 ويىننىڭ 5-ىندە ءبىر ەسەپ – 1:0 دەگەن ناتيجە تىركەلدى. ال بۇدان بولەك ەسەپ – 2:1 تالدىقورعاندا تىركەلدى. وندا جەرگىلىكتى «جەتىسۋ» قوستانايدىڭ «توبىلىنا» ۇتىلدى. گولداردى الدىمەن قوناقتار سالدى (توماس شيمكوۆيچ, يگور بۋگاەۆ). الاڭ يەلەرى 65-مينۋتتا بوتي دەمەل ءبىر دوپتىڭ قارىمتاسىن قايتاردى.
قالعان ويىنداردا مىنا كوماندالار جەڭىسكە جەتتى: «سپارتاك» (سەمەي) – «اقتوبە» (اقتوبە) 0:1, «شاحتەر» (قاراعاندى) - «تاراز» (تاراز) 1:0, «ورداباسى» (شىمكەنت) - «قايرات» (الماتى) 1:0, «قايسار» (قىزىلوردا) – «استانا» (استانا) 1:0, «اتىراۋ» (اتىراۋ) – «ەرتىس» (پاۆلودار) 0:1.
گول سوققاندار: سەمەيدە - ماركوس پيزەللي, قاراعاندىدا - ميحرەت توپچاگيچ, شىمكەنتتە - ميحايل باكاەۆ (اۆتوگول), قىزىلوردادا – مامۋتي كۋليبالي, اتىراۋدا - كونستانتين دۋدچەنكو.
وسى تۋردان كەيىن «اقتوبە» ءوزىنىڭ توپ باسىنداعى پوزيتسياسىن جاقسارتا ءتۇستى. ال دميتري وگايدىڭ تالىمىنە كوشكەن «قايسار» تۋرنيردە وتكەن جولعى 3-ورنىنا ءبىرىنشى رەت 2-ورىنعا الماستىردى.
دامير قوجامقۇل.
دەرەككوز: egemen.kz.
فوتو: «قايسار» كلۋبىنىڭ سايتى.