استانا. 23 مامىر. كەدەن وداعى ەلدەرىنىڭ تەمىرجولى قىتايدان ەۋرووداققا جۇك تاسىمالداۋ ۇلەسىن 10 ەسە ۇلعايتادى. VII استانا ەكونوميكالىق فورۋمىنىڭ اياسىندا وتكەن «ترانسەۋرازيا-2014» ءىح حالىقارالىق كولىك-ترانزيت جونىندەگى كونفەرەنتسيادا ەۋرازيالىق ەكونوميكالىق كوميسسيانىڭ ەنەرگەتيكا جانە ينفراقۇرىلىم جونىندەگى ءمينيسترى (القا مۇشەسى) دانيال احمەتوۆ وسىلاي دەدى. بۇل تۋرالى «قازاقپارات» حابارلادى.
جيىندا ەۋرازيالىق ەكونوميكالىق وداق ينفراقۇرىلىمىن دامىتۋدا ۇيلەستىرىلگەن كولىك ساياساتىنىڭ ىقپالى كوپ بالاتىنىن ايتقان ول كولىك قىزمەتتەرىنىڭ جالپى نارىعىن قۇرۋ كەرەكتىگىنە توقتالدى.
دانيال احمەتوۆ: «ەۋرازيالىق ەكونوميكالىق وداق ەلدەرىنىڭ ترازنزيتتىك تارتىمدىلىعىن ارتتىرۋعا قازاقستان, بەلارۋس جانە رەسەي تەمىرجولدارىنىڭ بىرىككەن كولىكتىك-لوگيستيكالىق كومپانياسى جاردەمدەسەتىن بولادى. بىرىڭعاي ەكونوميكالىق كەڭىستىك اۋماعى ارقىلى قىتايدان ەۋروپالىق وداققا تەمىرجول ترانزيتتىك تاسىمالى 10 ەسە ءوسىپ, 2020 جىلعا قاراي 7 پايىزدى قۇرايدى. بىرلەسكەن كولىكتىك لوگيستيكالىق كومپانيا قۇرۋدىڭ تۇجىرىمداماسى مەن بيزنەس-جوسپارىنا سايكەس, 2020 جىلعا قاراي ينفراقۇرىلىمدى پايدالانۋدان تۇسەتىن كىرىستەر 1,6 ملرد. دوللاردى قۇرايدى, ءبىزدىڭ ەلدەرىمىزدىڭ ىشكى جالپى ونىمدەگى ۇلەسى - 11,1 ملرد. دوللار بولماق. سونداي-اق, 43 مىڭ جاڭا جۇمىس ورىنى قۇرىلادى, جالپى جۇك اينالىمى 4 ملن. كونتەينەردەن اسادى», – دەدى.
بۇدان بولەك, «ترانسەۋرازيا-2014 كونفەرەنتسياسىنان كەيىن وتكەن بريفينگتە د.احمەتوۆ قازاقستان, بەلارۋس جانە رەسەي 2015 جىلدىڭ ورتاسىندا ورتاق ەلەكتر-ەنەرگەتيكالىق نارىق تۇجىرىمداماسىن, ال 2016 جىلى ونىڭ باعدارلاماسىن قابىلدايتىنىن مالىمدەدى.
جولدىباي بازار.
دەرەككوز: «قازاقپارات».
فوتو: zakon.kz.