استانا. 23 مامىر. بۇۇ ەكونوميكالىق جانە الەۋمەتتىك كەڭەسىنىڭ پرەزيدەنتى مارتين سايديك استانا ەكونوميكالىق فورۋمىن وتكىزۋدە باعىت-باعدار بەرگەن ءرولى ءۇشىن نۇرسۇلتان نازارباەۆقا العىسىن جەتكىزدى. بۇل تۋرالى «قازاقپارات» حابارلادى.
سونداي-اق, ول VII استانا ەكونوميكالىق فورۋمى مەن داعدارىسقا قارسى II دۇنيەجۇزىلىك كونفەرەنتسياسىنىڭ پلەنارلىق وتىرىسىندا استانانىڭ جەتىستىكتەرى ماقتاۋلارعا لايىق ەكەنىن اتاپ ءوتتى.
وسىدان 15 جىل بۇرىن استانادا بولعان مارتين سايديك: «وسى جولعى ساپارىمدا استاناداعى وزگەرىستەر مەنى شىن مانىندە قاتتى تاڭعالدىردى. 15 جىلدىڭ ىشىندە قازاقستان ەلورداسى وتە قاتتى وزگەرگەن. استانا وراسان زور قادام جاساعان. بۇگىندە ول گۇلدەنگەن ءىرى شاھارعا اينالىپ وتىر», – دەدى.
بۇدان بولەك, بۇۇ ەكونوميكالىق جانە الەۋمەتتىك كەڭەسىنىڭ پرەزيدەنتى فورۋم جونىندە:«ماعان VII استانا ەكونوميكالىق فورۋمىنداعى ماڭىزدى پىكىرالماسۋلار مەن تەرەڭ تالداۋلار قاتتى اسەر ەتتى», – دەدى.
جولدىباي بازار.
دەرەككوز: «قازاقپارات».
فوتو: unmultimedia.org.