استانا. 23 مامىر. قازاقستان مەن قىتاي اراسىندا بيداي ساۋداسىنا قاتىستى كەلىسىم جاسالدى. بۇل تۋرالى «قازاقستان جاڭالىقتارى» حابارلادى.
قىتاي 2014-2015 جىلدارى ارالىعىندا ەلىمىزدەن 100 مىڭ توننا بيداي ساتىپ الادى. بۇل كەلىسىمگە «قازاگرو» ۇلتتىق باسقارۋشى حولدينگى» اكتسيونەرلىك قوعامىنىڭ باسقارما توراعاسى دۋلات ايتجانوۆ پەن قىتايدىڭ كوفكو ۇلتتىق كومپانياسىنىڭ ۆيتسە-پرەزيدەنتى تسزينتاو چجي مەملەكەت باسشىسىنىڭ 19-20 مامىر ارالىعىندا قىتايعا بارعان رەسمي ساپارى اياسىندا قول قويدى.
سونداي-اق, ەكى ەل وكىلى ءۇشىنشى ەلدەرگە ءترانزيتتى ساۋدانى جۇزەگە اسىرۋ ءۇشىن بيداي تەرمينالىنىڭ قۇرىلىسىن بىرلەسە قارجىلاندىرۋ ماسەلەسىن قاراستىردى.
«قازاگرو» ۇلتتىق باسقارۋشى حولدينگى» اكتسيونەرلىك قوعامىنىڭ باسقارما توراعاسى دۋلات ايتجانوۆ: «قىتاي قازاقستاندىق بيداي مەن باسقا دا ءداندى جانە مايلى داقىلدار ءۇشىن ماڭىزدى ستراتەگيالىق نارىقتاردىڭ ءبىرى بولىپ تابىلادى. قول قويىلعان ەەلىسىم – ەكى ەل اراسىندا بيداي جەتكىزۋ سالاسىندا تۇراقتى ساۋدا قاتىناستارىن رەتتەۋدەگى العاشقى قادامداردىڭ ءبىرى», – دەدى.
جولدىباي بازار.
دەرەككوز: «قازاقستان جاڭالىقتارى».
فوتو: elevatorist.com.