استانا. 18 مامىر. بۇگىن قازاقستاننىڭ 6 قالاسىندا فۋتبولدان قازاقستاننىڭ پرەمەر-ليگا كوماندالارى اراسىنداعى چەمپيوناتى 12-تۋرىنىڭ ويىندارى وينالدى. بۇل تۋرالى egemen.kz ءتىلشىسى حابارلادى.
تۋردا ەكى ءىرى ەسەپ تىركەلدى. ولاردىڭ بىرىندە «اقتوبە» ءوز الاڭىندا قاراعاندىنىڭ «شاحتەرىن» 4:0 ەتىپ ۇتسا, پاۆلوداردىڭ «ەرتىسى» سەمەيدىڭ «سپارتاگى» قاقپاسىنا جاۋاپسىز 5 گول سوقتى.
تاعى ەكى كوماندا جەڭىس تويىن تويلادى. «قايرات» الماتىدا تالدىقورعاننىڭ «جەتىسۋىن» 2:1 ەتىپ ۇتتى. ال قىزىلوردانىڭ «قايسارى» تارازدا جەرگىلىكتى كوماندانى 1:0 ەتىپ تىزە بۇكتىردى.
قالعان ەكى ويىندا جەڭىمپازدار انىقتالمادى. وسىلايشا «استانا» - «ورداباسى» 1:1 ەسەبىمەن تەڭ ويناسا, قوستانايدا «توبىل» مەن «اتىراۋ» كەزدەسۋىندە ەسەپ اشىلمادى.
دامير قوجامقۇل.
دەرەككوز: egemen.kz.
فوتو: Sports.kz.