استانا. 18 مامىر. يندۋستريالاندىرۋدىڭ ەكىنشى بەسجىلدىعىنا ارنالعان باعدارلاما شەڭبەرىندە وتاندىق اۆتوزاۋىتتار جىلىنا 190 مىڭ جەڭىل كولىك شىعارادى دەپ كۇتىلۋدە. بۇل تۋرالى primeminister.kz حابارلادى.
ورتالىق كوممۋنيكاتسيالار قىزمەتىندەگى جيىندا ۇكىمەت باسشىسىنىڭ ورىنباسارى, يندۋستريا جانە جاڭا تەحنولوگيالار ءمينيسترى اسەت يسەكەشەۆ اۆتوموبيل جاساۋ سالاسىنىڭ الدىندا ءوندىرىس كولەمىن جىلىنا 37 مىڭنان 190 مىڭ اۆتوموبيلگە, ەكسپورتتى 30 پايىزعا دەيىن جەتكىزۋ مىندەتى تۇرعانىن ءسوز ەتتى.
ونىڭ سوزىنە قاراعاندا, يندۋستريالاندىرۋدىڭ ەكىنشى بەسجىلدىق باعدارلاماسى اياسىندا وڭىرلەر بويىنشا ونەركاسىپتىڭ دامۋى جانە تاياۋ بەس جىلدا قانداي دا ءبىر سالالاردى دامىتۋ بويىنشا وبلىستاردىڭ الەۋەتتى مۇمكىندىكتەرى العاش رەت تالدانعان.
سونداي-اق, كلاستەردەردىڭ بىرنەشە ءتۇرىن ورىستەتۋ دە جوسپاردا بار.
بريفينگتە بەلگىلى بولعانداي, مەملەكەتتىك كومەكتىڭ شامامەن 80 پايىزى باسىمدىقتى سالالاردى دامىتاتىن كاسىپورىندارعا بەرىلەدى.
مامىردىڭ سوڭىنا دەيىن يندۋستريالىق-يننوۆاتسيالىق دامۋ باعدارلاماسى پرەزيدەنت اكىمشىلىگى قاراۋىنا جولدانباق. بۇل جونىندە ءا.يسەكەشەۆ: «قازىر 2020 جىلعا دەيىنگى يندۋستريالىق-يننوۆاتسيالىق دامۋ باعدارلاماسى ازىرلەنۋدە. وسى ايدىڭ اياعىنا دەيىن باعدارلاما پرەزيدەنت اكىمشىلىگى قاراۋىنا جىبەرىلەدى», – دەدى.
ءمينيستردىڭ ايتۋىنشا, ەكىنشى بەسجىلدىقتىڭ باعدارلاماسىن وسى جىلى اياقتالعالى تۇرعان باعدارلامانىڭ جالعاسى دەپ ءبىلۋ كەرەك. الداعى بەسجىلدىقتا باسىمدىق بەرىلگەن سالالاردىڭ سانى از بولاتىن كورىنەدى. ولاردىڭ قاتارىندا مۇناي وڭدەۋ, حيميا ونەركاسىبى, تاماق ونىمدەرىن شىعارۋ, ماشينا جاساۋ, قۇرىلىس زاتتارى مەن مەتاللۋرگيا سالالارى بار.
بۇل باعدارلامادا كلاستەرلەردى دامىتۋ جانە يننوۆاتسيالار مەن تەحنولوگيالىق جاڭعىرتۋعا مەيىلىنشە كوبىرەك كوڭىل بولىنبەك.
جولدىباي بازار.
دەرەككوز: primeminister.kz.
فوتو: Voxpopuli.kz.