كەشە اقوردادا پرەزيدەنت اكىمشىلىگىنىڭ باسشىسى نۇرلان نىعماتۋليننىڭ توراعالىعىمەن قازاقستان رەسپۋبليكاسى پرەزيدەنتىنىڭ جانىنداعى كادر ساياساتى جونىندەگى ۇلتتىق كوميسسيانىڭ ءۇستىمىزدەگى جىلعى العاشقى ءماجىلىسى بولىپ ءوتتى.
مەملەكەت باسشىسىنىڭ تاپسىرماسىنا سايكەس, ۇلتتىق كوميسسيا «ا» كورپۋسى رەزەرۆىنە كانديداتتاردى ىرىكتەيدى. وڭىرلىك كادر كوميسسيالارىنداعى تەستىلەۋ جانە اڭگىمەلەسۋ كەزەڭدەرىنەن كەيىن ۇلتتىق كوميسسياداعى اڭگىمەلەسۋلەرگە 363 ادام قاتىسادى.