«كوكتال-2» جەكە سەكتورىنىڭ تۇرعىندارى Gpon تەحنولوگياسى بويىنشا 500 مبيت/س-كە دەيىن جەتەتىن جىلدامدىقپەن تسيفرلىق تەلەديدار مەن جوعارى جىلدامدىقتى ينتەرنەتكە قوسىلادى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
بۇل ەلوردانىڭ سارىارقا اۋدانى اكىمدىگىنىڭ قولداۋىمەن استانا قالاسىنىڭ تسيفرلاندىرۋ جانە مەملەكەتتىك قىزمەت باسقارماسى مەن «Kazakh Home Networks» جشس (تم Almaline) بىرلەسكەن جوباسىنىڭ ارقاسىندا ىسكە اسىرىلادى.
ايتا كەتەيىك, اتالعان اۋدانداعى ساپاسىز ينتەرنەت ماسەلەسى 8 جىلعا جۋىق ۋاقىت بويى شەشىمىن تاپپاعان. بۇگىندە جەلىلەردى قوسۋ بويىنشا بەلسەندى جۇمىس جۇرگىزىلۋدە, جوعارى جىلدامدىقتى ينتەرنەتكە ءبىرىنشى رەت بارشىن, ۇلىتاۋ, ساۋمالكول, قۇلانوتپەس, ايدارلى كوشەلەرىنىڭ بويىندا تۇراتىن كوكتال 2-ءنىڭ باتىس بولىگىنىڭ تۇرعىندارى قول جەتكىزەدى. العاشقى ابونەنتتەردى قوسۋدىڭ شامامەن مەرزىمى قازان ايىنىڭ ورتاسى.
سودان كەيىن جاڭا تۇرعىنداردىڭ بايلانىسى شىعىس باعىتتا جۇرەدى. «كوكتال-2» تالشىقتى-وپتيكالىق بايلانىس جەلىلەرىمەن تولىق قامتۋدى قاراشا ايىنىڭ ورتاسىندا اياقتاۋ جوسپارلانىپ وتىر. اياقتالعان سوڭ كوكتال-1 جانە اگروقالاشىق اۋداندارىندا دا وسىنداي جۇمىستار باستالادى.
ايتا كەتۋ كەرەك, جەكە سەكتور تۇرعىندارىنا تەگىن قوسىلۋ, يكەمدى تاريفتىك جوسپارلار جانە جوعارى قىزمەت كورسەتۋ دەڭگەيى ۇسىنىلادى.