«سامۇرىق-قازىنا» قورى «تەمiربانكتەگى» وزىنە تيەسىلى ۇلەستى جانە «اليانس بانكتەگى» اكتسيالاردىڭ ءوز بولىگىن بولات وتەمۇراتوۆقا ساتۋ بويىنشا مامىلەنى اياقتادى
استانا ق. 2014 جىلعى 15 مامىر
«سامۇرىق-قازىنا» اق پەن بولات وتەمۇراتوۆ 35,7 ملرد. تەڭگە سوماعا «تەمiربانك» اق 79,88% جاي اكتسيالارىن, سونداي-اق 1,5 ملرد. تەڭگە سوماعا «اليانس بانك» اق-دا 16,00% جاي جانە ارتىقشىلىقتى اكتسيالاردى ساتۋ جانە ساتىپ الۋ بويىنشا مامىلەنى اياقتادى. قوسىمشا «تەمiربانك» اق 2010-2012 جىلدارداعى بولىنبەگەن پايدا ەسەبىنەن «سامۇرىق-قازىنا» اق-عا 9,1 ملرد. تەڭگە مولشەرىندە ديۆيدەندتەر تولەدى. مامىلەنىڭ ناتيجەسىندە «سامۇرىق-قازىنا» اق 51% جاي جانە ارتىقشىلىقتى اكتسيالارىمەن «اليانس بانك» اق اكتسيالارىنىڭ باقىلاۋ پاكەتىن ساقتاپ قالادى, ال بولات وتەمۇراتوۆ «تەمiربانك» اق-دا باقىلاۋشى اكتسيونەر بولادى. رەتتەۋشى ورگانداردان ەكى مامىلەنى تيىسىنشە ماقۇلداۋ 2014 جىلعى 20 ناۋرىزدا الىندى. «مەملەكەت باسشىسىنىڭ تاپسىرماسىنا سايكەس جۇزەگە اسىرىلاتىن بانكتەردىڭ اكتسيالارىن ساتۋ قارجى سەكتورىن تۇراقتاندىرۋ بولىگىندە داعدارىسقا قارسى باعدارلامانىڭ كەزەكتى قادامى بولىپ تابىلادى, ول «سامۇرىق-قازىنا» قورىن بانكتەردى باسقارۋ جونىندەگى وزىنە ءتان ەمەس فۋنكتسيالاردان بوساتادى. تۇتاستاي العاندا, قارجى ينستيتۋتتارىن بەرۋ قارجى نارىعىنا وڭ ىقپال ەتەدى, تاۋەلسىزدىك بەرەدى جانە قازاقستاننىڭ بانكتىك سەكتورىن دامىتۋدا بانكتەردىڭ جاڭا مەنشىكتەنۋشىلەرىنىڭ ءبىرشاما بەلسەندى قاتىسۋىنا جاردەمدەسەتىن بولادى», دەپ اتاپ كورسەتتى «سامۇرىق-قازىنا» اق باسقارما توراعاسىنىڭ ورىنباسارى ەلەنا باحمۋتوۆا. بولات وتەمۇراتوۆ بىلاي دەپ اتاپ كورسەتتى: «تەمىربانك» اكتسيالارىنىڭ باقىلاۋ پاكەتىن جانە «اليانس بانك» اكتسيالارىنىڭ مينوريتارلىق پاكەتىن ساتىپ الۋ بويىنشا مامىلەلەردى اياقتاۋ وسى بانكتەردى قالپىنا كەلتىرۋ پروتسەسىندە باستى قادام بولىپ تابىلادى. «تەمiربانك» باسشىلىعىنىڭ الدىندا كورسەتىلەتىن قىزمەتتەر ساپاسىن جاقسارتۋ جانە بيزنەس ستراتەگيانى ورىنداۋ بويىنشا ناقتى مىندەتتەر قويىلدى. مەن تاياۋداعى بولاشاقتا بانكتىڭ كليەنتتەرى وسى بانكپەن ءوزارا قارىم-قاتىناستار رەتىندە ايتارلىقتاي جاقسارعانىن سەزىنەدى دەپ كۇتەمىن. «اليانس بانككە» قاتىستى «سامۇرىق-قازىنا» قورىمەن بىرلەسىپ بانكتىڭ كاپيتالىن ورنىقتى تۇردە قالپىنا كەلتىرۋ ماقساتىندا ونىڭ سىرتقى مىندەتتەمەلەرىن قايتا قۇرىلىمداۋ بويىنشا بانك كرەديتورلارىنىڭ وكىلدەرىمەن مۇقيات جانە جان-جاقتى كەلىسسوزدەر جۇرگىزىلۋدە. ءوز تاراپىمنان, مەن «تەمىربانكتىڭ» كاپيتالىن قۇيۋ جانە ولاردى بولاشاقتا قوسۋ جولىمەن «اليانس بانكىن» قالىپ كەلتىرۋگە قاتىسۋعا دايىنمىن. «سامۇرىق-قازىنا» قورى وسىنداي بىرىكتىرىلگەن بانكتى ەلەۋلى كولەمدە ۇزاق مەرزىمدى قور جاساۋىمەن قولداۋعا نيەت ءبىلدىرىپ وتىر.سونىمەن قاتار, «اليانس بانكتىڭ» كاپيتالىن قالپىنا كەلتىرۋ ونىڭ ودان ارعى بولاشاعىن قامتاماسىز ەتۋ ءۇشىن قاجەتتى, وسى ۇدەرىسكە قاتىسۋ كوپ دارەجەدە كرەديتورلاردىڭ تىلەگىنە بايلانىستى. ءبىز تابىستى ناتيجەلەرگە قول جەتكىزۋ ءۇشىن كرەديتورلارمەن كەلىسسوزدەرگە بارلىق كۇش-جىگەرىمىزدى جۇمسايمىز. بۇل «اليانس بانك» جانە «تەمىربانكتى» بىرىكتىرۋ ءۇشىن نەگىزگى تالاپ بولىپ تابىلادى. «تەمiربانككە» ەلەۋلى قاراجات پەن كۇش-جىگەر ينۆەستيتسيالانعان, سوندىقتان بىرىكتىرىلگەن بانك تولىق باعالى ءومىرگە يكەمدى بولۋ مۇمكىندىگىنە يە بولۋى ءتيىس. مەن «اليانس بانكتى» قايتا قۇرىلىمداۋدى جانە «تەمىربانكپەن» بىرىكتىرۋ ۇدەرىسىن اياقتاعاننان كەيىن بىرىكتىرىلگەن بانك كاپيتالدىڭ جەتكىلىكتىلىگى جانە وتىمدىلىك دەڭگەيى بويىنشا قازاقستاننىڭ بانكتىك جۇيەسى كوشباسشىلارىنىڭ ءبىرى بولاتىنىنا سەنەمىن». «سامۇرىق-قازىنا» اق وسىمەن «تەمىربانك» اق اكتسيونەرلەرى مەن كرەديتورلارىن قوسا العاندا, بارلىق مۇددەلى تاراپتارعا مامىلە جاساۋ كۇنىندە «تەمىربانك» اق قايتا قۇرىلىمداۋ شەڭبەرىندە قابىلدانعان «سامۇرىق-قازىنا» اق بارلىق مىندەتتەمەلەرىنىڭ قولدانىسى توقتاتىلعانى تۋرالى حابارلاپ جەتكىزەدى. «سامۇرىق-قازىنا» ۇلتتىق ءال-اۋقات قورى» اق جۇرتشىلىقپەن بايلانىس دەپارتامەنتى: +7 (7172) 55-41-14.