ورمان ءورتى سالدارىنان باسپاناسى مەن دۇنيە-مۇلكىنەن ايىرىلعان اۋليەكول اۋدانىنىڭ تۇرعىندارىنا قارجىلاي كومەك كورسەتۋ تۋرالى حالىقتىڭ باستاماسىن قارۋلى كۇشتەردىڭ اسكەري قىزمەتشىلەرى دە قولدادى.
اسكەريلەر قوستاناي وبلىسىنداعى الاپات ورتتەن زارداپ شەككەندەرگە كومەك كورسەتەتىن «قايىرىمدىلىق كZ» بىرىڭعاي قوعامدىق قورىنا 6 ملن 200 مىڭ تەڭگە اۋداردى.
بۇدان وزگە «وڭتۇستىك» جانە «شىعىس» وڭىرلىك قولباسشىلىقتارىنىڭ اسكەري قىزمەتشىلەرى زارداپ شەككەندەرگە قۇرىلىس ماتەريالدارى, ازىق-ت ۇلىك جانە جىلى كيىمدەر تيەلگەن ءۇش كاماز كومەك جىبەردى. گۋمانيتارلىق كومەكتىڭ جالپى سالماعى 23 تونناعا جەتتى.
قوستاناي وبلىسىنداعى ءورتتى سوندىرۋگە وفيتسەرلەر مەن كەلىسىمشارت بويىنشا اسكەري قىزمەتشىلەر قاتارىنان 180-گە جۋىق اسكەري قىزمەتشى جۇمىلدىرىلعانىن ايتا كەتكەن ءجون.
ولار اۋليەكول اۋدانىنىڭ باعانالى, وزەرنوە جانە نوۆونەجينكا ەلدى مەكەندەرىندە ءورت اپاتىنىڭ تارالۋىنا جول بەرمەۋگە ەلەۋلى كومەك كورسەتتى. ورتكە قارسى ءىس-شارالاردى وتكىزۋ بارىسىندا ينجەنەرلىك تەحنيكا جانە كولىك-جاۋىنگەرلىك تىكۇشاقتار جۇمىلدىرىلىپ, ولار اۋداندى بارلاۋدى جانە ءورت وشاعىنا سۋ شاشۋدى جۇزەگە اسىردى.
قيىن ساتتە ارميا ارقاشان حالىققا كومەك كورسەتۋگە دايىن. COVID-19 پاندەمياسى كەزىندە زالالسىزداندىرۋ جۇمىستارىن جۇرگىزىپ, تۇركىستان وبلىسىنىڭ ماقتاارال اۋدانىنداعى سۋ تاسقىنى كەزىندە اسكەري قىزمەتشىلەر ۋاقىتشا بوگەتتەر تۇرعىزىپ, اپاتقا ۇشىراعان اۋدان تۇرعىندارىن ەۆاكۋاتسيالادى.