تۇركيا رەسپۋبليكاسىنىڭ سىرتقى ىستەر مينيسترلىگى تۇركى اكادەمياسى اشقان جاڭالىققا قاتىستى مالىمدەمە جاسادى, دەپ حابارلايدى Egemen.kz اكادەميانىڭ ءباسپاسوز قىزمەتىنە سىلتەمە جاساپ.
«تۇركيا رەسپۋبليكاسىنىڭ سىرتقى ىستەر مينيسترلىگى تۇركى اكادەمياسىن موڭعوليادا جۇرگىزگەن نومعون عىلىمي ەكسپەديتسياسىنىڭ ناتيجەسىندە تاپقان قۇندى تاريحي ولجاسىمەن قۇتتىقتادى. ءسىم حاتىندا جاڭادان تابىلعان ەلتەرىس قۇتلىق قاعاننىڭ كەشەنى مەن جازۋىن عاسىر جاڭالىعى دەپ جوعارى باعا بەردى. ءوز كەزەگىندە تۇركى اكادەمياسى تۇركيا ءسىم جىلى لەبىزى مەن قولداۋى ءۇشىن زور ريزاشىلىعىن بىلدىرەدى», دەپ جازىلعان حابارلامادا.