پەتروپاۆل. 28 ءساۋىر. سولتۇستىك قازاقستان وبلىسى مامليۋت اۋداندىق ىشكى ىستەر ءبولىمىنىڭ قىزمەتكەرى, پوليتسيا كاپيتانى ايدوس قانتاەۆ ءتۇن ورتاسىندا كورشى اۋىلداعى تۋىستارىنان ۇيىنە قايتىپ كەلە جاتقان جاس جىگىتتى قاعىپ ءولتىردى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى.
مارقۇمنىڭ ايەلى مەن ەكى بالاسىن الىپ كەلىپ, اۋدان ورتالىعىنا ورنالاسىپ جاتقانىنا كوپ بولماپتى.
قايعىلى وقيعا مامليۋتكا قالاسىنا كىرە بەرىستە ورىن العان. سوققىنىڭ قاتتىبولعانى سونشالىق, رۋسلان راحمەتوۆ ءتىل تارتپاي كەتكەن. ءتارتىپ ساقشىسىنىڭ ۇيالى تەلەفونى ىستەن شىققان.
قىلمىستىق ىزدەستىرۋ ءبولىمىنىڭ ورىنتاعىنا ەندى جايعاسقان كاپيتان قاماۋعا الىندى. ىشىمدىك ءىشىپ الىپ, ادام ولتىرگەنى دالەلدەنسە, 7 جىلعا دەيىن باس بوستاندىعىنان ايرىلۋى مۇمكىن.
ءومىر ەسقالي.
دەرەككوز: سولتۇستىك قازاقستان وبلىستىق ىشكى ىستەر دەپارتامەنتىنىڭ ءباسپاسوز قىزمەتى.
فوتو: www.gazeta.ru.