پەتروپاۆل. 28 ءساۋىر. سولتۇستىك قازاقستان وبلىستىق تارتىپتىك كەڭەس مۇشەلەرى ءۋاليحانوۆ اۋدانى اكىمىنىڭ ورىنباسارى ەرمەك ماحاتوۆتى قىزمەتىنە لايىقسىز دەپ تاپتى. بۇل جونىندە وبلىستىق مەملەكەتتىك قىزمەت ىستەرى جونىندەگى دەپارتامەنتتىڭ ءباسپاسوز قىزمەتى حابارلادى.
اۋداندىق قۇرىلىس جانە ساۋلەت ءبولىمىنىڭ باسشىسى قىزمەتىن قوسا اتقارعان شەنەۋنىك «مەملەكەتتىك ساتىپ الۋ تۋرالى» زاڭدى ورەسكەل بۇزعان. اتاپ ايتقاندا, تەندەردىڭ قورىتىندىسى بويىنشا «دۋلات» جەكە كاسىپكەرلىكپەن شارت جاساسىپ, ءتيىستى قاراجاتتى ونىڭ ەسەپشوتىنا كۇنى بۇرىن اۋدارىپ جىبەرگەن. ال اكەلىنۋى ءتيىس كولىكتەر ءۇشتى-كۇيلى جوق.
اكىمنىڭ ورىنباسارى بيۋدجەتتىڭ قارجىسىن ۋاقىتىلى يگەرۋ قاجەت بولدى دەگەن ءۋاجدى كولدەنەڭ تارتقانىمەن, ونىڭ بۇل ارەكەتى زاڭ تالاپتارىن ورەسكەل بۇزۋ دەپ تانىلدى. ءسويتىپ, ورىنتاعىنان شەتتەتۋ جونىندە ءتيىستى ورىندارعا ۇسىنىس بەرىلدى.
ءومىر ەسقالي.
دەرەككوز: سولتۇستىك قازاقستان وبلىستىق مەمەلكەتتىك قىزمەت ىستەرى جونىندەگى دەپارتامەنتىنىڭ ءباسپاسوز قىزمەتى.
فوتو: yvision.kz.