ءماجىلىس سپيكەرى قابيبوللا جاقىپوۆتىڭ توراعالىعىمەن پالاتا بيۋروسى ءوتتى. وندا دەپۋتاتتاردىڭ الداعى جالپى وتىرىسىندا قارالاتىن ماسەلەلەر ناقتىلاندى, دەپ حابارلادى ءماجىلىستىڭ ءباسپاسوز قىزمەتى.
قىلمىستىق-اتقارۋ كودەكسى دەپۋتاتتاردىڭ تالقىلاۋىنا ەكىنشى وقىلىمعا شىعارىلادى.
جالپى وتىرىستا «يننوۆاتسيالىق تەحنولوگيالار پاركى» يننوۆاتسيالىق كلاستەرى تۋرالى زاڭ جوباسى ىلەسپە تۇزەتۋلەرىمەن ەكىنشى وقىلىمدا قارالادى.
پالاتانىڭ كۇن تارتىبىنە قازاقستان-رەسەي ارالىق اۋە شابۋىلىنا قارسى قورعانىسىنىڭ بىرىڭعاي وڭىرلىك جۇيەسىن قۇرۋ تۋرالى كەلىسىمدى راتيفيكاتسيالايتىن زاڭ جوباسى دا ەنگىزىلدى.
وسى كۇنى دەپۋتاتتار ماقتا سالاسىن دامىتۋ ماسەلەلەرى بويىنشا, پوشتا بايلانىسى سالاسىنداعى زاڭناماسىنىڭ نورمالارىن دۇنيەجۇزىلىك پوشتا وداعى اكتىلەرىنىڭ نورمالارىمەن بىرىزدەندىرۋ جانە پوشتا وپەراتورلارىنىڭ قىزمەتىن رەتتەۋ ماسەلەلەرى بويىنشا تۇزەتۋلەر جانە «قىلمىستىق ارەكەتتەن تۇسكەن تابىستاردى جىلىستاتۋ, انىقتاۋ, الىپ قويۋ جانە تاركىلەۋ تۋرالى كونۆەنتسيانى راتيفيكاتسيالاۋ تۋرالى» زاڭ جوباسى بويىنشا قورىتىندى ازىرلەۋ مەزگىلىن ناقتىلايتىن بولادى.
الدا بولاتىن جالپى وتىرىستىڭ كۇن تارتىبىنە دەپۋتاتتاردىڭ ايماقتارعا شىعىپ سايلاۋشىلارمەن كەزدەسۋى جايلى ماسەلە دە قوسىلعان.