استاناداعى بەيبىتشىلىك جانە كەلىسىم سارايىندا پرەزيدەنت نۇرسۇلتان نازارباەۆتىڭ قاتىسۋىمەن قازاقستان حالقى اسسامبلەياسىنىڭ ءححى سەسسياسى «قازاقستان-2050: بەيبىتشىلىك, رۋحانيات جانە كەلىسىم مادەنيەتى» تاقىرىبىمەن اشىلدى. بۇل تۋرالى قازاقپارات ءتىلشىسى حابارلادى.
ونىڭ جۇمىسىنا قحا مۇشەلەرى, پارلامەنت دەپۋتاتتارى, ۇكىمەت مۇشەلەرى, ساياسي پارتيالار, ءدىني كونفەسسيالار, ديپلوماتيالىق ميسسيا باسشىلارى, زيالى قاۋىم مەن بۇقارالىق اقپارات قۇرالدارىنىڭ وكىلدەرى جانە شەتەلدەن كەلگەن قوناقتار قاتىسۋدا.
سەسسيا بارىسىندا مەملەكەت باسشىسى سوچيدە وتكەن XXII قىسقى وليمپيادا ويىندارىنىڭ قولا جۇلدەگەرى د.تەنگە «قۇرمەت» وردەنىن جانە اسسامبلەيانىڭ بىرقاتار مۇشەلەرىنە «قازاقستان حالقى اسسامبلەياسىنىڭ قوعامدىق «بىرلىك» التىن مەدالىن» تابىس ەتەدى.
ءبىز كەلىسىم مادەنيەتىن ءداستۇر رەتىندە ۇرپاققا مۇرا ەتۋگە ءتيىسپىز. بۇل تۋرالى بۇگىن ەلورداداعى بەيبىتشىلىك جانە كەلىسىم سارايىندا قازاقستان حالقى اسسامبلەياسىنىڭ «قازاقستان-2050: بەيبىتشىلىك, رۋحانيات جانە كەلىسىم مادەنيەتى» اتتى كۇن تارتىبىمەن ءوتىپ جاتقان ءححى سەسسياسىندا پرەزيدەنت نۇرسۇلتان نازارباەۆ ايتتى.
«قىمباتتى وتانداستار, قادىرلى قاۋىم! قازاقستان حالقى اسسامبلەياسىنىڭ XXI سەسسياسىنىڭ اشىلۋىمەن بارشاڭىزدى شىن جۇرەگىممەن قۇتتىقتايمىن. ۇلى جامبىل اقىننىڭ «جىگەرلى بولسا ەر بولار, بىرلىكتى بولسا ەل بولار» دەگەن ءسوز بار. بۇگىنگى سەسسيانىڭ وزەگى بەيبىتشىلىك, رۋحانيات جانە كەلىسىم مادەنيەتى ءبىزدىڭ وسىنداي بىرلىكتى ەل بولمىسىمىزدىڭ كەپىلى. مادەنيەت تىرشىلىكتىڭ تىرەگى. ورتاق يگىلىكتىڭ ۇلىقتالىپ ۇلى ىستەرگە ۇيىمداستىرۋدىڭ بىرەگەي تەتىگى. بەيبىتشىلىك, رۋحانيات پەن كەلىسىم ءبارىنىڭ تامىرى مادەنيەتتە», - دەدى ن.نازارباەۆ.
مەملەكەت باسشىسىنىڭ پايىمىنشا, XXI عاسىردىڭ ەڭ باستى زاڭى تاتۋلىق. تاتۋلىق پەنەن تىنىشتىق ارقىلى ەكونوميكا ءوسىپ, حالىقتىڭ ءال-اۋقاتى كۇشەيەدى, بەيبىتشىلىك ورنايدى.
«كەلىسىم - ەكونوميكا مەن ساياساتتىڭ قاۋىپسىزدىگىندەگى ءومىردىڭ زاڭى. ءبىز كەلىسىم مادەنيەتىن ءداستۇر رەتىندە ۇرپاققا مۇرا ەتۋگە ءتيىسپىز. كەلىسىم مادەنيەتى ماڭگىلىك بولۋى كەرەك», - دەدى ەلباسى.
سونداي-اق, سەسسيا قورىتىندىسىندا جيىنعا قاتىسۋشىلاردىڭ قازاقستان حالقىنا ۇندەۋى قابىلدانادى دەپ كۇتىلۋدە.
ساكەن مايلىباي.
دەرەككوز: قازاقپارات.
فوتو: www.kz.all.biz.