حالىقارالىق رەزەرۆتەر ءوستى

كەشە ۇلتتىق بانكتىڭ الما­تى­داعى عيماراتىندا بانك توراعاسى قاي­رات كەلىمبەتوۆ ۇلتتىق ۆاليۋ­تا­نىڭ تۇراقتىلىعى مەن بىرقاتار قارجى ماسەلەلەرىنە بايلانىستى ءباسپاسوز ءماسليحاتىن وتكىزدى. باس بانكيردىڭ بەرگەن مالىمەتتەرىنە سۇيەنسەك, 2014 جىلعى ناۋرىزدا ۇلتتىق بانكتىڭ حالىقارالىق رەزەرۆتەرى ۇلعايىپ, جالپى حالىقارالىق رەزەرۆتەرى 26,5 ملرد. اقش دوللارىنا دەيىن, ياعني 2,0 پايىزعا وسكەن. جىل باسىنان بەرگى بۇل كورسەتكىش 7,5 پايىزدى قۇراپ وتىر. ۇلتتىق بانكتىڭ تازا حالىقارالىق رەزەرۆتەرى 0,7 پايىزعا ارتىپ, 25,7 ميلليارد اقش دوللارىن قۇراعان. ىشكى ۆاليۋتا نارىعىندا ۆاليۋتانى ساتىپ الۋ جانە ۇلتتىق بانكتەگى ۇكىمەتتىڭ شوتتارىنا ۆاليۋتانىڭ كەلىپ ءتۇسۋى, ۇكىمەتتىڭ سىرتقى بورىشىنا قىزمەت كورسەتۋ, ۇلتتىق قور اكتيۆتەرىن تولىقتىرۋ, سونداي-اق بانكتەردىڭ ۇلتتىق بانكتەگى شەتەل ۆاليۋتاسىنداعى كوررەسپوندەنتتىك شوتتارىنداعى قالدىقتاردىڭ تومەندەۋىمەن بەيتاراپتاندىرىلعان. ناتيجەسىندە تازا ۆاليۋتا قورلارى (ەاۆ) 2014 جىلعى ناۋرىزدا 1,5 پايىزعا ۇلعايسا, تيىسىنشە التىنداعى اكتيۆتەر جۇرگىزىلگەن وپەراتسيالار جانە ونىڭ الەم نارىقتارىندا باعاسىنىڭ ءوسۋى سالدارىنان 1,5 پايىزعا تومەندەگەن. «2014 جىلعى ناۋرىزدا تەڭگەنىڭ اقش دوللارىنا قاتىستى باعامى 1 اقش دول­لارى ءۇشىن 181,78 بەن 184,08 تەڭگە ارا­لىعىندا وزگەردى. ايدىڭ سوڭىندا تەڭگەنىڭ  بيرجالىق باعامى  ءبىر ايدا 1,1 پايىزعا نىعايىپ, ءبىر اقش دوللارى ءۇشىن 182,06 تەڭگە بولدى», دەيدى ۇلتتىق بانك توراعاسى. جالپى العاندا, ىشكى ۆاليۋتا نارى­عىن­داعى وپەراتسيالاردىڭ كولەمى 2014 جىلعى  اق­پانمەن سالىستىرعاندا 15,3 پايىزعا ءتو­مەن­دەپ, 9,2 ميلليارد اقش دوللارىن قۇرا­عان. باسقا دا مالىمەتتەرگە كوز جۇگىرتسەك, ازىق-ت ۇلىك تاۋارلارى نارىعىندا 2014 جىلعى ناۋرىزدا كوبىنەسە جەمىستەر مەن كوكونىستەر ءبىرشاما قىمباتتاعان. مىسالعا, پياز – 12,1%, ورامجاپىراق –  9,0%, كارتوپ – 6,8%, قانت – 5,8%, بالىق جانە تەڭىز ءونىم­دەرى – 1,8%, كۇرىش –  1,7%, ءسۇت ونىمدەرى – 1,2%, ۇن – 0,9%, نان 0,8% قىمباتتاسا, كەرى­سىنشە جۇمىرتقانىڭ باعاسى  – 2,8%, قارا­قۇ­مىق جارماسى –  1,5% جانە كۇنباعىس مايى 0,6% تومەندەگەن. بانكتەردىڭ ەكونوميكانى نەسيەلەن­دىرۋىنىڭ جالپى كولەمى 2014 جىلعى اقپاندا 12069,4 ميلليارد تەڭگەنى قۇراپ, 6,7 پاي­ىزعا وسكەن. ۇلتتىق ۆاليۋتاداعى نەسيەلەردىڭ كولەمى 7940,6 ميلليارد تەڭگەگە دەيىن, ياعني 0,3 پايىزعا ۇلعايىپ, شەتەل ۆاليۋتاسىنداعى نەسيە كولەمى 4128,8 ميلليارد تەڭگەگە دەيىن (21,4 پايىزعا) ءوسىپ وتىر. تەڭگەدەگى نەسيە­لەردىڭ ۇلەس سالماعى ءبىر ايدا 69,9 پايىزدان 65,8 پايىزعا دەيىن تومەندەگەن. قانات ەسكەندىر, «ەگەمەن قازاقستان». الماتى.