كەشە قازاق ۇلتتىق ونەر ۋنيۆەرسيتەتىندە «ەس-ايماق» مادەني-تانىمدىق پىكىرتالاس بىرلەستىگىنىڭ ۇيىمداستىرۋىمەن «ەگەمەن قازاقستان» رەسپۋبليكالىق گازەتى» اكتسيونەرلىك قوعامىنىڭ پرەزيدەنتى ساۋىتبەك ابدراحمانوۆپەن شىعارماشىلىق كەزدەسۋ وتكىزىلدى.
كەزدەسۋدى ۋنيۆەرسيتەتتىڭ اعا وقىتۋشىسى جاڭاگۇل سۇلتانوۆا جۇرگىزدى. بەلگىلى قالامگەردىڭ ومىرگە, قوعامعا, ونەرگە كوزقاراسى, ءتۇرلى وقيعالار مەن تاجىريبەلەردەن تۇيگەن پىكىرلەرى كەزدەسۋدىڭ ارقاۋىنا اينالدى. جاستار ساۋىتبەك ابدراحمانوۆقا كوكەيدەگى سۇراقتارىن قويىپ, ءتيىستى جاۋاپتار الدى. پۋبليتسيست شىعارماشىلىعى تۋرالى ۋنيۆەرسيتەتتىڭ ونەرتانۋ كافەدراسىنىڭ پروفەسسورلارى, كورنەكتى جازۋشى-دراماتۋرگ اكىم تارازي, تانىمال تەاتر سىنشىسى اشىربەك سىعاي, تەاتر, كينو جانە تەلەديدار فاكۋلتەتىنىڭ دەكانى ساۋلەبەك اسىلحان ءوز ويلارىن ورتاعا سالدى. ۋنيۆەرسيتەت پرورەكتورى, بەلگىلى كومپوزيتور سەرىك ەركىمبەكوۆ وقۋ ورنىنىڭ قوناعىنا ءىلتيپات ءبىلدىرىپ, شىعارماشىلىق تابىس تىلەدى. باسقوسۋدا ستۋدەنتتەر قاۋىمى تاراپىنان ءان ايتىلىپ, كۇي تارتىلىپ, قالامگەرگە قۇرمەت كورسەتىلدى.
«ەگەمەن-اقپارات».