مۇنداي جۇزدەسۋلەر ءبىزدىڭ وبلىس پەن رەسەيدىڭ التاي ولكەسى بيزنەس قۇرىلىمدارى اراسىنداعى سەرىكتەستىكتى دامىتۋعا مۇمكىندىك بەرەدى. وبلىستىق كاسىپكەرلەر پالاتاسىنىڭ باستاماسىمەن التايلىق كاسىپكەرلەر وڭىرگە كەلىپ, جەرگىلىكتى ارىپتەستەرىمەن ۆ2ۆ فورماتىندا جۇزدەستى. بيزنەس بيزنەس ءۇشىن دەگەن مۇنداي فورماتتاعى جۇزدەسۋدىڭ ەرەكشەلىگى كاسىپكەرلەر ءوزارا ءبىر-بىرىمەن تانىسىپ, ەركىن سۇحباتتاسادى. كاسىپكەرلەر پالاتاسى ديرەكتورىنىڭ ورىنباسارى گومار قاجكەنوۆتىڭ ايتۋىنشا, جالپى, ەكىجاقتى بايلانىستىڭ بيزنەستىڭ العا باسۋىنا قوسار ۇلەسى ۇلكەن. التاي ولكەسىنەن «بيسك زاۋىتى», «گۋكوۆ» شارۋا قوجالىعىنىڭ باسشىلىعى قاتىستى. ءبىزدىڭ وبلىستان «بوگاتىر-كومىر» جشس, «مايكۋبەن-ۆەست», «پاۆلودار مۇناي-حيميا زاۋىتى» سەرىكتەستىكتەرى, «تالاپكەر» «رومانەنكو» شارۋا قوجالىقتارى جانە «Metro» ساۋدا كەشەنى سىندى باسقا دا بيزنەس قۇرىلىمدارى بولدى. ولار رەسەيلىك كاسىپكەرلەرمەن ءبىر كۇندە 12 كەزدەسۋ وتكىزدى.
مەن پاۆلودارلىق 7 كاسىپكەرمەن كەزدەستىم. مىسالى, «Metro» ساۋدا كەشەن, «رەناتا» دۇكەندەر جەلىسىمەن تاۋارلارىمىزدى وبلىس كولەمىندە ساۋدالاۋ ءۇشىن كەلىسىمشارت جاسادىق, دەيدى التايلىق «گۋكوۆ» شارۋا قوجالىعىنىڭ باسشىسى الەكساندر گۋكوۆ. الەكساندر پاۆلودارلىق «رومانەنكو», «ششەرباك», «تالاپكەر» شارۋا قوجالىقتارىن التاي ولكەسىنە كەلىپ قايتۋعا شاقىرىپتى. ال «بيسك زاۋىتى» وكىلدەرى «مايكۋبەن-ۆەست», «پمحز» كاسىپورىندارىمەن كەلىسىمدەر جاساستى. وبلىستىق اۋىل شارۋاشىلىعى باسقارماسىنىڭ وكىلدەرىمەن جۇزدەسىپ, وبلىس ورتالىعىنداعى «پاۆلودار» ارنايى ەكونوميكالىق ايماعىنداعى «كاۋستيك» اق-تىڭ وندىرىسىمەن تانىستى.
فاريدا بىقاي,
«ەگەمەن قازاقستان».
پاۆلودار وبلىسى.