قىرعىزستاننىڭ وش وبلىسىنداعى اۋىل مەكتەپتەرىنىڭ بىرىندە جىلاندار پايدا بولىپ, مەكەمەنى جابۋعا تۋرا كەلدى. بۇل تۋرالى قىرعىزستان توتەنشە جاعدايلار مينيسترلىگىنە سىلتەمە جاساعان Rosbalt.ru حابارلادى.
توتەنە جاعدايلار مينيسترلىگىنىڭ مالىمەتىنە قاراعاندا, ورتا مەكتەپتىڭ ىشىندە كۇنىنە 20-30 شاقتى جىلان ءورىپ جۇرەدى ەكەن.
جەرگىلىكتى تۇرعىندار ۆەتەريناريا باسقارماسى مەن سانيتارلىق ەپيدەميانى باقىلايتىن ورگانعا شاعىمدانعانىمەن, ءتيىستى كومەك الا الماعان. دەگەنمەن, اۋىلعا توتەنشە جاعدايلار مينيسترلىگى وبلىستىق باسقارماسىنىڭ باسشىسى كەلىپ, جاعدايمەن تانىسقان سوڭ, وقۋشىلار مەن مۇعالىمدەرگە قاۋىپ تونبەس ءۇشىن ءبىلىم ورداسىن ۋاقىتشا جابۋعا شەشىم قىبلداپتى.
ەندى ماماندار اتالمىش اۋداندى تولىق تەكسەرىپ, مەكتەپتى جىلانداردان تازارتقاننان كەيىن, 150-گە جۋىق وقۋشىسى بار ءبىلىم ورداسى ءوز جۇمىسىن جالعاستىراتىن بولادى.
ايدار ورىسباەۆ.
دەرەككوز: Rosbalt.ru.
فوتو: Reuters.com.