بيىل ەلىمىزدەگى سالالىق باعدارلامالار سانى 44-تەن 14-كە دەيىن كەمىتىلمەك. اتالعان ماسەلە پارلامەنت سەناتىنداعى ۇكىمەت ساعاتىندا تالقىلاندى. بۇل تۋرالى «قازاقپارات» حابارلادى.
ەكونوميكا جانە بيۋدجەتتىك جوسپارلاۋ ءمينيسترى ەربولات دوساەۆتىڭ ايتۋىنشا, 2013 جىلى مينيسترلىك تاراپىنان قولدانىستاعى مەملەكەتتىك جانە سالالىق باعدارلامالار جاپپاي تەكسەرىلگەن. قازىر ءتيىستى ورىندار تەكسەرۋ قورىتىندىلارىن ىسكە اسىرۋدا.
ناقتىلاي ايتقاندا, ايماقتاردى وركەندەتۋدى ماقسات ەتكەن شارالاردىڭ تيىمدىلىگىن كۇشەيتۋ ءۇشىن 5 سالالىق باعدارلاما وڭىرلەردى دامىتۋدىڭ بىرىڭعاي باعدارلاماسىنا ەنگىزىلمەك. ال يندۋستريالىق-يننوۆاتسيالىق ساياساتتى ودان ارى الىپ بارۋ ءۇشىن 14 سالالىق باعدارلاما ۇدەمەلى يندۋستريالىق-يننوۆاتسيالىق دامۋدىڭ مەملەكەتتىك باعدارلاماسىنا كىرەدى. بۇعان قوسا, شاعىن ۆەدومستۆولىق سيپاتتاعى باعدارلامالار مەملەكەتتىك ورگانداردىڭ ستراتەگيالىق جوسپارلارىنا ەنەدى. وسىنىڭ ناتيجەسىندە بيىل سالالىق باعدارلامالار سانى 14-كە كەمىمەك.
جولدىباي بازار.
دەرەككوز: «قازاقپارات».
فوتو: youtube.com.