جاپونيانىڭ كيۋسيۋ ارالىنداعى كۋماموتو پرەفەكتۋراسىنىڭ بيلىگى قۇس تۇماۋىنىڭ تارالۋىنا جول بەرمەۋ ءۇشىن 112 مىڭعا جۋىق تاۋىقتى قىرىپ سالدى. بۇل تۋرالى Interfax.az حابارلادى.
«ءبىز تاۋىقتاردى تولىعىمەن قىرىپ, ەندى ۆيرۋستىڭ وزگە اۋداندارعا تارالۋىنا جول بەرمەۋ ءۇشىن شارالار قابىلداۋدامىز», – دەپ مالىمدەدى جەرگىلىكتى بيلىك وكىلى. سونداي-اق ول ەل اۋماعىندا قۇس تۇماۋىنا بايلانىستى بۇدان باسقا وقيعالاردىڭ تىركەلمەگەنىن جەتكىزدى.
جەرگىلىكتى بۇقارالىق اقپارات قۇرالدارى قۇس تۇماۋىنىڭ جاپونيا اۋماعىندا سوڭعى ءۇش جىلدا ءبىرىنشى رەت پايدا بولعانىن حابارلادى. جانە بۇل ەلدە قۇس تۇماۋىنىڭ ادامعا جۇققان بىردە-ءبىر وقيعاسى تىركەلمەگەن ەكەن.
ايدار ورىسباەۆ.
دەرەككوز: Interfax.az.
فوتو: Metronews.ru.