ومىردە ءتۇرلى قىزىقتار بار. وكىنىشكە قاراي كەيدە جۇرتشىلىقتى تاڭداندىرار ەمەس, جاعا ۇستاتاتىندارى دا كەزدەسەدى. اتىراۋدا ۇلى وتان سوعىسىنىڭ ارداگەرى الەكساندر پوگوداەۆ بۇدان ون جىل بۇرىن ولىلەر تىزىمىنە ەنگىزىلىپتى. قالاي؟ نە ءۇشىن؟ بۇل ساۋالدارعا ازىرگە جاۋاپ جوق. ارداگەردىڭ نەمەرەسى ولگا سبيتنەۆانىڭ ايتۋىنشا, سوعىس ارداگەرى ءتىرىلەر ساناتىنان شىعارىلىپ تاستالعان.
– بىزگە بۇل حالىققا قىزمەت كورسەتۋ ورتالىعىنا جۇگىنگەن كەزىمىزدە بەلگىلى بولدى. كۋالىككە بەلگى سالىپ, ورتالىقتا بىزگە قىزمەت كورسەتكەن قىز مۇنداي انىقتاما الا المايتىنىمىزدى ايتتى. ويتكەنى, الەكساندر يۆانوۆيچ پوگوداەۆ مالىمەتتەر بازاسىندا 2001 جىلدان قايتىس بولعاندار ساناتىندا بولىپ شىقتى, – دەيدى ارداگەردىڭ نەمەرەسى ولگا سبيتنەۆا.
ۇلى وتان سوعىسىنىڭ ارداگەرى, ىشكى ىستەر قىزمەتىنىڭ وتستاۆكاداعى پولكوۆنيگى, سونىمەن بىرگە, «فرونتوۆيچكا» ەڭبەك ارداگەرلەرى حورىنىڭ بەلدى مۇشەسى سانالاتىن الەكساندر پوگوداەۆ ازىرگە ولىلەر ساناتىندا ەكەنىن ءالى بىلمەيدى. سەبەبى, ول 2004 جىلى جاڭا جەكە كۋالىك, شەتەلدىك تولقۇجات الىپتى. ءتىپتى 2013 جىلى جاڭا پاتەرگە يە بولعان.
– تىرىلەر تىزىمىندە جوق ادامعا قالايشا جاڭا قۇجاتتار بەرىلگەن؟ – دەگەن تاڭدانىسىن جاسىرمايدى ارداگەردىڭ نەمەرەسى و.سبيتنەۆا. ءبىر قىزىعى ولىلەر ساناتىنا ەنگىزىلگەن سوعىس ارداگەرى ا.پوگوداەۆ جاقىن ارادا 90 جاسقا تولعالى وتىر.
جولداسبەك شوپەعۇل,
«ەگەمەن قازاقستان».
اتىراۋ وبلىسى.