«ەگەمەن قازاقستان» گازەتىندە ەجەلدەن قالىپتاسقان ءبىر جاقسى ءۇردىس بار. ول رەداكتسيادا ىستەيتىن قىزمەتكەرلەردىڭ مەملەكەتتىك مەكەمەلەرگە, وزگە باسىلىمدارعا باسشى بولىپ اۋىسىپ جاتاتىنى. سونداي ءبىر جانىڭدى جادىراتار ءسۇيىنشى حابار قاسيەتتى اۋليەاتا وڭىرىنەن جەتىپ وتىر.
باس باسىلىمنىڭ جامبىل وبلىسىنداعى ءتىلشىسى كوسەمالى ءساتتىباي ۇلى ءوڭىر ايناسى سانالاتىن «اق جول» گازەتىنە باس رەداكتور بولىپ بەكىتىلىپتى. قالامى جۇيرىك, ويى ۇشقىر, العان تاقىرىبىن جان-جاقتى زەرتتەپ, زەردەدەن وتكىزىپ, تەرەڭىنەن قايناپ شىققان باستاۋ سۋىنداي مولدىرەتىپ جازاتىن ارىپتەسىمىزدىڭ بۇل ءوسۋ باسپالداعىنا ەگەمەنقازاقستاندىقتار ۇلكەن ءىلتيپات تانىتۋدا.
كوسەمالى ءساتتىباي ۇلى – قارىمدى جۋرناليست قانا ەمەس, تالانتتى جازۋشى, ونداعان كىتاپتاردىڭ اۆتورى. ول – قالامگەرلەر اراسىندا بەدەلى بيىك, اۋزى دۋالى, ءسوزى ءۋالى ازامات. ءار جاقسى ءىستى قۋانىشپەن قابىلداپ, ساتتىلىك تىلەپ وتىرۋدى ۇردىسكە اينالدىرعان باس باسىلىم جۋرناليستەرى ارىپتەسىنىڭ جاڭا قىزمەتىنە تابىس تىلەپ, بارعان ۇجىمىنىڭ ۇيىتقىسى, جۇرتتىڭ سىيلىسى بولسىن دەگەن جۇرەكجاردى شىن تىلەكتەرىن بىلدىرەدى.
ەگەمەنقازاقستاندىقتار.