«استانا وپەرا» مەملەكەتتىك وپەرا جانە بالەت تەاترىنداعى قويىلىمدار مەن كونتسەرتتەردىڭ بيلەتى زاماناۋي ونلاين ۇلگىسىندە ساتىلا باستادى.
«استانا وپەرا» تەاترى بيلەتتى ساتۋدىڭ ەلەكتروندىق جۇيەسىن ىسكە قوستى. بيلەتتەر ساۋداعا بيلەتتىك وپەراتور Biletbar.kz ارقىلى تۇسەتىنىن, بيلەتتى ساتۋ جونىندەگى ۆيدجەت تەاتردىڭ سايتىندا ورنالاسقانىن حابارلاعان تەاتردىڭ ءباسپاسوز قىزمەتى, سونداي-اق كاسسادان جانە ينتەرنەت ارقىلى ساتىپ الىناتىن بيلەتتەردىڭ باعاسى بىردەي بولاتىنىن ەسكەرتتى. بيلەتتى ساتۋ ەرەجەسى بۇرىنعىشا قالا بەرمەك. مىسالى, بيلەتتى باسقاعا ايىرباستاي المايسىز جانە كەرى قايتارۋ دا مۇمكىن ەمەس.
اتالعان جوبانى جۇزەگە اسىرۋ نەگىزگى زالدىڭ دا, كامەرالىق زالدىڭ دا قويىلىمىنا بيلەتتى ساتىپ الۋ جولىن جەڭىلدەتەدى ءارى ىڭعايلاندىرا تۇسەدى. بيلەتتى قاي جولمەن ساتىپ الساڭىز دا بارلىق ساتىلىم ءبىر جۇيە ارقىلى جۇزەگە اساتىندىقتان, ءبىر ورىنعا بيلەتتى ءارتۇرلى ساۋدا نۇكتەسىنەن ساتۋ مۇمكىندىگىنە جول بەرىلمەيتىنىن ايتا كەتكەن ءجون.
بيلەتتى ساتۋ جۇيەسى اشىق تۇردە جۇرگىزىلەدى. ساتىلعان ءار بيلەت جۇيەدە تىركەلەتىندىكتەن ونى ءوز كۇشىڭمەن نەمەسە باعدارلاما ارقىلى ءوشىرۋ جانە وزگەرتۋ نەگىزسىز. سونداي-اق, بيلەتتى قولدان جاساۋ سياقتى الاياقتىق ارەكەتتەردىڭ جولى كۇنى بۇرىن كەسىلىپ وتىر. ءار بيلەت ورنى, قاتارى, قالاي جانە قاي ۋاقىتتا الىنعانى جايىندا ناقتى ساتىپ الۋ دەرەگى بار QR كودپەن قامتىلعان. زالعا وتەردە وسى كود ارنايى قۇرالدىڭ كومەگىمەن سكاننان شىعارىلىپ, اقپارات وقىلادى, وسىلايشا بيلەت تەكسەرۋدەن وتەدى.
ايتا كەتەيىك, سمارتفونى جانە پلانشەتتىك قۇرىلعىسى بار ادامعا بيلەتتى باسىپ شىعارۋدىڭ قاجەتى جوق, ويتكەنى, ەلەكتروندىق بيلەت وپتسياسى ىسكە قوسىلىپ وتىر.
«ەگەمەن-اقپارات».