سەمەي قالاسىنداعى قوس مۇنارالى ورتالىق مەشىتتە قمبد-نىڭ وكىل يمامى ماقسات التىباي قالا تۇرعىنى ايدارحان بورانباەۆقا, مالايزيا مەملەكەتىنەن ارنايى تاپسىرىسپەن الىنعان زاعيپ جاندارعا ارنالعان برايل قارپىندەگى قۇراندى سىيعا تارتتى.
ايدارحان بورانباەۆ الماتى قالاسىنداعى زاعيپ جاندارعا ارنالعان بەيىمدەۋ ورتالىعىنان برايل تاسىلىندە قۇران ۇيرەنىپ ءبىلىم العان بولاتىن. وكىل يمام ءوز سوزىندە: «بابالارىمىز «كوزى سوقىردان كوكىرەگى سوقىر جامان» دەپ بەكەر ايتپاعان, كوزدەرى كورە تۇرا قۇراندى وقىماعاندار ءۇشىن بۇل – ۇلكەن عيبرات الاتىن ءىس. وسى العان ءبىلىمىڭدى تولىقتىرىپ, ءوزىڭ سياقتى زاعيپ جاندارعا وسى قۇراندى ۇيرەتۋدى اللا ءناسىپ ەتسىن», – دەدى.
ايدارحان بورانباەۆ وكىل يمامعا جانە تاس مەشىتتىڭ باس يمامى نۇربەك ءنادىر ۇلىنا, ءبىلىم الۋىنا قول ۇشىن بەرگەن ازاماتتارعا ءوزىنىڭ جۇرەكجاردى تىلەگى مەن ريزاشىلىعىن ءبىلدىردى.
راۋشان نۇعمانبەكوۆا.
سەمەي.