الكوگول ونىمىنە اكتسيزدەر بويىنشا وزگەرىستەر بار

سالىق كودەكسىنىڭ 475-بابىنىڭ 4-تارماعىنا ەسەپكە الۋ-باقىلاۋ ماركالارىمەن تاڭبالاناتىن الكوگول ونىمىنە (تولىسىلعان شاراپتى جانە سىرا قايناتۋ ونىمدەرىنەن باسقا) اكتسيز تولەۋ مەرزىمدەرى بويىنشا وزگەرىستەر ەنگىزىلدى.

وسىعان بايلانىستى, الكوگول ءونىمىن وندىرۋشىلەر ەسەپكە الۋ-باقى­لاۋ ماركالارىمەن تاڭبالاناتىن تولى­سىلعان شاراپتى جانە سىرا قايناتۋ ءونىمىن قوسپاعاندا, الكوگول ونىمىنە اكتسيز سالىعىن ءوز تاڭداۋى بويىنشا مىنا مەرزىمدەردىڭ بىرىندە تولەۋى قاجەت:

- ەسەپكە الۋ-باقىلاۋ تاڭبالارىن العانعا دەيىن;

- سالىق كودەكسىنىڭ 172-بابىنا سايكەس ەسەپكە الۋ-باقىلاۋ ماركالارىن نىسانالى پايدالانۋ تۋرالى مىندەتتەمە ۇسىنىلعان جاعدايدا اكتسيزدەلەتىن تا­ۋارلاردى تيەپ-جونەلتۋ (بەرۋ) كۇنى.

سونداي-اق سالىق كودەكسىنىڭ 172-بابى­نىڭ 7-14-تارماقتارىنا ەنگىزىل­گەن وزگەرىستەگە سايكەس الكوگول ءونىمىن ءوندىرۋدى جۇزەگە اسىراتىن تۇلعا, ەسەپكە الۋ-باقىلاۋ ماركالارىن ماقساتتى پايدالانۋ تۋرالى مىندەتتەمەلەردى جانە ەسەپتى ۇسىنادى.

بۇدان باسقا, سالىق كودەكسىنىڭ 463-با­بى­نىڭ 4-تارماعىنا وزگەرىستەر مەن تولىق­تىرۋلار ەنگىزىلدى, وندا الكوگول ءونىمى تۇرلەرىنىڭ وزگەرۋى, اتاپ ايتقان­دا, «شاراپ ماتەريالى» ۇعىمى «تولىسىل­عان شاراپ», «سىرا جانە سىرا سۋسىنى» ۇعىمى «سىرا قايناتۋ ونىمىمەن» اۋىس­تىرىلدى.

جوعارىدا كورسەتىلگەن وزگەرىستەردى ىسكە اسىرۋ ماقساتىندا «اكتسيزدiك جانە ەسەپكە الۋ-باقىلاۋ ماركالارىن الۋ, ەسەپكە الۋ, ساقتاۋ, بەرۋ جانە يمپورتتاۋشىلاردىڭ قازاقستان رەسپۋب­ليكاسىنا الكوگول ءونiمiن يمپورتتاۋ كەزiندە ەسەپكە الۋ-باقىلاۋ ماركالارىن نىسانالى پايدالانۋ تۋرالى مiندەتتەمەسiن, ەسەبiن ۇسىنۋ, سونداي-اق وسىنداي مiندەتتەمەنi ەسەپكە الۋ قاعيدالارىن جانە قامتاماسىز ەتۋ مولشەرiن بەكىتۋ تۋرالى» قازاقستان رەسپۋبليكاسى قارجى ءمينيسترىنىڭ 2018 جىلعى 8 اقپانداعى № 144 بۇيرىعىنا وزگەرىس­تەر ەنگىزۋ تۋرالى» قازاقستان رەس­پۋب­ليكاسى قارجى ءمينيسترى بۇيرى­عىنىڭ جوباسى ازىرلەندى.

قازىرگى ۋاقىتتا بۇيرىق جوباسى مەملەكەتتىك ورگاندارمەن كەلىسۋ­دە. ەسەپكە الۋ-باقىلاۋ ماركالارىن ماق­ساتتى پايدالانۋ تۋرالى مىندەت­تەمەلەردى وزگەرتىلگەن قاعيدالار كۇشىنە ەنگەن سوڭ ۇسىنۋعا بولادى.