سولتۇستىك-كاۆكاز مەديتسينا ورتالىعىنىڭ دارىگەرلەرى ميداعى ىسىكتى ناركوز قولدانباي الىپ تاستادى. بۇل تۋرالى Lifenews.ru حابارلادى.
وتا جاساۋ كەزىندە 44 جاستاعى يسا ابدۋللاەۆ ەس-ءتۇسىن ءبىلىپ جاتقان. ال بەس كۇننەن كەيىن ول اۋرۋحانادان شىعارىلىپ, ۇيىنە جىبەرىلدى. نەبارى 12 مينۋتقا سوزىلعان وتانى 10 بىلىكتى مەديتسينا قىزمەتكەرى جاسادى.
«ءبىز بۇل ىسىكتى قالاي الىپ تاستاۋ كەرەكتىگى جونىندە جوسپار قۇردىق. وتا جاساۋ كەزىندە نەيروناۆيگاتسيا جۇيەسى قولدانىلدى. ول ىسىكتى ءدال تاۋىپ الۋعا مۇمكىندىك بەرەدى», – دەيدى مەديتسينا ورتالىعىنداعى نەيروحيرۋرگيا ءبولىمىنىڭ مەڭگەرۋشىسى ازامات دەدەگكاەۆ.
مۇنداي وتا اتالمىش مەديتسينا ورتالىعىندا العاش رەت جاسالىپ وتىر.دارىگەرلەر الداعى ۋاقىتتا دا وسى تاسىلمەن سىرقات جاندارعا جاردەم كورسەتەتىن بولادى.
ايدار ورىسباەۆ.
دەرەككوز: Lifenews.ru.
فوتو: Trend.az.