الماتى كاسىپكەرلەرىنە ءۇش ميللياردتان استام قارجى ءبولىندى

2022 جىلى 26 اقپاندا شاعىن جانە ورتا بيزنەس سۋبەكتىلەرىنە م ۇلىكتىك زياندى انىقتاۋ جونىندەگى وڭىرلىك كوميسسيا وتىرىسىندا كاسىپكەرلەردىڭ جالپى قۇنى 827,8 ملن تەڭگەنى قۇرايتىن 135 ءوتىنىم ماقۇلداندى.

ونىڭ ىشىندە بيۋدجەت قاراجاتى ەسەبىنەن 718,1 ملن تەڭگەگە 80 ءوتىنىم, «جاڭا الاتاۋ» قايىرىمدىلىق قورىنىڭ قاراجاتىنان109,7 ملن تەڭگەگە 55 ءوتىنىم  قارجىلاندىرىلدى.

الماتى قالاسى بويىنشا كوميسسيا جۇمىسى باستالعاننان بەرى 3 140,4 ملن تەڭگەگە 890 ءوتىنىمدى ماقۇلداندى, ونىڭ ىشىندە بيۋدجەت قاراجاتىنان 2 275,8 ملن تەڭگەگە 459 ءوتىنىم , «جاڭا الاتاۋ» قورىنىڭ قاراجاتىنان 864,6 ملن تەڭگەگە 431 ءوتىنىم ءتۇستى.

ەستەرىڭىزگە سالا كەتەيىك, الماتىدا تارتىپسىزدىك بارىسىندا جالپى سوماسى 34,3 ملرد تەڭگەنى قۇرايتىن 1413 شاعىن جانە ورتا بيزنەس سۋبەكتىسى زارداپ شەكتى. ەلەكتروندىق پلاتفورماعا «Infokazakhstan.kz» كاسىپكەرلەردەن 2700-دەن استام ءوتىنىم كەلىپ ءتۇستى.

ايانا توعانبەك