قاڭتاردىڭ 4-ىنەن 5-ىنە قاراعان ءتۇنى الماتىداعى جاپپاي تارتىپسىزدىك پەن اكىمدىك عيماراتىن باسىپ الۋعا ەكى شەتەل ازاماتى قاتىسقانى انىقتالدى, دەپ جازادى Egemen.kz.
ۆەدومستۆونىڭ مالىمەتىنشە, باسقىنشىلار مامانداندىرىلعان كۇزەت قىزمەتى باسقارماسى مەن پوليتسيانىڭ قارۋسىز قىزمەتكەرلەرىنە كۇش كورسەتكەن. بيىلعى جىلدىڭ 1 اقپانىندا ولار سوتتىڭ سانكتسياسىمەن قاماۋعا الىنعان.
قىلمىسكەرلەر 2022 جىلدىڭ 6 قاڭتارىندا تىكەلەي ەفير ۇيىمداستىرۋ ءۇشىن «كوك توبە» تەلەمۇناراسىن باسىپ الۋدى جوسپارلاعان. جوسپارىن جۇزەگە اسىرۋ ءۇشىن بەيبىت تۇرعىنداردى كوندىرىپ, ولاردىڭ ومىرىنە قاستاندىق جاساعانى بەلگىلى بولدى.
قىلمىسكەرلەر ايتقاندارىن ورىنداۋدان باس تارتقان 1992 جىلى تۋعان ازاماتقا شولاق مىلتىقپەن ەكى رەت وق اتىپ جارالاعان.
اتالعان قىلمىستى بۇرىن سوتتالعان, الماتى قالاسىندا 1983 تۋعان ازاماتتىڭ ۇيىمداستىرعانى انىقتالدى. ونىڭ قىلمىسقا قاتىسى بار ەكەنىن كۋاگەرلەر راستادى. بيىلعى جىلدىڭ 25 قاڭتارىندا ول سوت سانكتسياسىمەن قاماۋعا الىندى.