بۇگىن, 15 ناۋرىز كۇنى فۋتبولدان قازاقستان پرەمەر-ليگاسىنىڭ 2014 جىلعى چەمپيوناتى باستالدى. قازىر ءبىرىنشى تۋردى تاعى ەكى ماتچىنىڭ ناتيجەسى بەلگىلى بولدى. بۇل تۋرالى Egemen.kz حابارلادى.
ءبىر مەزگىلدە, ساعات 16:00-تە تاراز بەن قىزىلوردادا ويىندار باستالدى. بۇلاردىڭ بىرىنشىسىندە تارازدىڭ «تارازى» اقتوبەنىڭ «اقتوبەسىن», ەكىنشىسىندە قىزىلوردانىڭ «قايسارى» شىمكەنتتىڭ «ورداباسىسىن» قابىلدادى.
تارازداعى ويىننىڭ 40-مينۋتىندا اقتوبەلىك مارات حايرۋللين پەنالتيدەن ەسەپ اشتى. ارادا 3 مينۋت وتكەندە الاڭ يەلەرىنىڭ قورعاۋشىسى سيگۋرني باندجار ءوز قاقپاسىنا گول سوعىپ الدى. ءسويتىپ, مەيماندار تەز 2:0 دەگەن باسىمدىققا جەتتى. ولار وسى ارتىقشىلىقتى كەزدەسۋ سوڭىنا دەيىن ساقتاي ءبىلدى.
كەلەسى ويىندا «قايسار» ءبىر دوپ ايىرماشىلىعىمەن قوناقتاردان باسىم ءتۇستى. جالعىز گولدى 23-مينۋتتا دۋشان ساۆيچ پەنالتيدەن سالدى.
ەسكە سالا كەتەيىك, ساعات 14:00-دە زاتوبولسكىدە قوستانايدىڭ «توبىلى» مەن سەمەيدىڭ «سپارتاگى» اراسىنداعى ماتچپەن 2014 جىلعى چەمپيونات سورەدەن شىقتى. ويىن 2:1 ەسەبىمەن الاڭ يەلەرىنىڭ پايداسىنا شەشىلدى. ەكىنشى ويىن 15:00 ساعاتتا پاۆلوداردا ءوربىدى. جەرگىلىكتى «ەرتىس» وندا قاراعاندىنىڭ «شاحتەرىن» قابىلدادى. كەزدەسۋدە پاۆلودارلىقتار 1:0 ەسەبىمەن جەڭىسكە جەتتى.
ەندى «استانا» - «جەتىسۋ», «قايرات» - «اتىراۋ» ارالارىندا ماتچتار ناتيجەلەرىن كۇتىپ وتىرمىز. بۇلاردىڭ العاشقىسى 17:00, ەكىنشىسى 18:00 ساعاتتاردا باستالدى.
دامير قوجامقۇل.
دەرەككوز: Egemen.kz.
فوتو: Vesti.kz.