پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆتىڭ توراعالىعىمەن وتكەن ۆەدومستۆوارالىق ماجىلىستە قىزىلوردا وبلىسىنىڭ اكىمى قىرىمبەك كوشەرباەۆ بايانداما جاسادى. سىر ءوڭىرىنىڭ باسشىسى ايماقتاعى مەتاللۋرگيا كلاستەرىنىڭ تۇجىرىمداماسىن تانىستىردى.
نەگىزىنەن مەتاللۋرگيالىق كلاستەر قازاقستاننىڭ جاڭا تاۋ-كەن مەتاللۋرگيالىق ورتالىعىنىڭ قوزعالتقىش كۇشى رەتىندە قىزىلوردا وبلىسىن جاساقتاۋعا جانە سيرەك كەزدەسەتىن مەتالداردى ەكونوميكالىق اينالىمعا ەنگىزۋگە ءمۇمكىندىگىن بەرەدى.
كلاستەر قۇرىلىمىندا يننوۆاتسيالىق قىزمەت كورسەتۋ ينفراقۇرىلىمىن جاساقتاۋ كوزدەلەدى. ءماسەلەن, جاڭا كەن ورىندارىندا مەتالل قورلارىن انىقتاۋ بويىنشا جۇمىس جوسپارلانىپ وتىر. سونداي-اق, مەتاللۋرگيالىق كلاستەر مۇشەلەرىنە ءجانە سەرىكتەستەرىنە عزتكج جوبالىق-كونسترۋكتورلىق جۇمىستار جانە باسقا دا ينجينيرينگ سالاسىندا قىزمەت كورسەتىلمەك.
ساراپشىلار جانە عالىمداردىڭ باعالاۋىنشا, قىزىلوردا وبلىسىندا ۆانادي جانە كوپ مەتالدىق كەن ورىندارى نەگىزىندە مەتاللۋرگيالىق كلاستەر جاساقتاۋعا مۇمكىندىك بار. ال مەتاللۋرگيالىق كلاستەردىڭ بولاشاقتا باس تەتىگى بولىپ تابىلاتىن فەرروقورىتپا زاۋىتىن سالۋ ايماعىمىزدىڭ ەكونوميكاسىن دامىتۋعا سەپ بولماق.
بۇگىنگى كۇندە فەرروقورىتپا زاۋىتىنىڭ قۇرىلىسى بويىنشا جوبانى جۇزەگە اسىرۋ ماقساتىندا وبلىس اكىمدىگىمەن «Ningxia Baota Petrochemical Technology Industrial Development Co., Ltd» قىتايلىق كومپانيا توراعاسى چجانگ ليجونگ اراسىندا ءوزارا سەرىكتەستىك ءجونىندە مەموراندۋمعا جانە كەزدەسۋ حاتتاماسىنا قول قويدى. «ۆاوتا» كومپانياسى ەكى اي ءىشىندە تەحنيكالىق-ەكونوميكالىق نەگىزدەمەنى جاساقتاپ, وبلىس اكىمدىگىنە كەلىسۋگە ۇسىنۋعا مىندەتتەمە الدى.
ءماجىلىس قورىتىندىسىندا فەرروقورىتپا زاۋىتى جوباسىنىڭ تەحنيكالىق-ەكونوميكالىق نەگىزدەمەسىن جاساقتاپ, اعىمداعى جىلدىڭ مامىر ايىنىڭ ورتاسىنا دەيىن ۇكىمەتكە ۇسىنۋ جونىندە شەشىم قابىلداندى.
«ەگەمەن-اقپارات».