قازاقستان رەسپۋبليكاسىنداعى ادام قۇقىقتارى ءجونىندەگى ۋاكىل اسقار شاكىروۆ جەنەۆا قالاسىندا (شۆەيتساريا كونفەدەراتسياسى) وتكەن قۇقىق قورعاۋ مەكەمەلەرىنىڭ حالىقارالىق ۇيلەستىرۋ كوميتەتىنىڭ (حۇك) 27-ءشى جىل سايىنعى وتىرىسىنا قاتىستى.
حۇك بۇۇ تىكەلەي قولداۋىمەن ادام قۇقىقتارىن قورعاۋ سالاسىنداعى ۇلتتىق ينستيتۋتتاردىڭ قىزمەتىن ۇيلەستىرۋ ماقساتىندا 1993 جىلى قۇرىلدى جانە قۇقىق قورعاۋ سالاسىندا نەگىزگى ۇنقاتىسۋ الاڭدارىنىڭ ءبىرى بولىپ تابىلادى. اتالعان كوميتەت 2012 جىلى اككرەديتتەگەن قازاقستاندىق ومبۋدسمەننىڭ مەكەمەسى ونىڭ جۇمىسىنا بەلسەندى قاتىسادى.
وتىرىس بارىسىندا كەڭ اۋقىمدى قۇقىق قورعاۋ ماسەلەلەرى, سونىڭ ىشىندە ۇلتتىق مەكەمەلەردىڭ وسى سالادا حالىقارالىق شارتتاردىڭ ساقتالۋىن قاداعالايتىن بۇۇ ادام قۇقىقتارى ءجونىندەگى كەڭەس پەن كوميتەتتەرىنىڭ جۇمىسىنا قاتىسۋى, ولاردىڭ پارلامەنتتەرمەن ءوزارا قاتىناستارى, سونداي-اق, ادام قۇقىقتارى سالاسىندا ۇلتتىق ءىس-قيمىلدار جوسپارلارىن ازىرلەۋ بويىنشا جان-جاقتى پىكىر الماسۋلار ءوتتى.
ا.شاكىروۆ وتىرىس شەڭبەرىندە وتكەن ءىس-شارالار مەن ەكىجاقتى كەزدەسۋلەر بارىسىندا بۇۇ ورگاندارىنا ۇلتتىق باياندامالاردى ازىرلەۋگە قاتىسۋ, پارلامەنتپەن, باسقا مەملەكەتتىك ورگاندارمەن جانە ازاماتتىق قوعامداستىقپەن ءوزارا ارەكەتتەسۋ تاجىريبەسى تۋرالى ءمالىم ەتتى.
وتىرىسقا قاتىسۋشىلار قازاقستانداعى ۇلتتىق قۇقىق قورعاۋ تەتىگىن دامىتۋعا ىقپالداساتىن ماڭىزدى مەملەكەتتىك باعدارلامالارمەن تانىستى.
ومبۋدسمەننىڭ حۇك, بۇۇ ادام قۇقىقتارى جونىندەگى جوعارعى كوميسسارى باسقارماسىنىڭ, ۇلتتىق قۇقىق قورعاۋ مەكەمەلەرىنىڭ وڭىرلىك جەلىلەرىنىڭ باسشىلارىمەن جانە وكىلدەرىمەن كەزدەسۋلەرى ناتيجەسىندە, اتاپ ايتقاندا, وڭىرلىك ازيا-تىنىق مۇحيتى فورۋمىنا مۇشەلىككە قازاقستاندىق ءوتىنىمدى قاراۋ مەرزىمدەرى مەن شارتتارى تۋرالى بىرقاتار كەلىسىمدەرگە قول جەتكىزىلدى, دەپ حابارلادى قازاقستان رەسپۋبليكاسىنداعى ادام قۇقىقتارى جونىندەگى ۋاكىل اپپاراتىنىڭ ءباسپاسوز قىزمەتى.