بۇرىن ءتورت رەت, ونىڭ ىشىندە ادام ۇرلاعانى ءۇشىن دە سوتتالعان 38 جاستاعى ت. ەسىمدى ازامات جاپپاي تارتىپسىزدىكتەرگە جانە قارۋ-جاراق دۇكەندەرىن توناۋعا بەلسەنە قاتىسقان, دەپ حابارلايدى Egemen.kz.
«ونى كريمينالدىق پوليتسيا باسقارماسىنىڭ قىزمەتكەرلەرى گەولوگتار كوشەسىندەگى ۇيلەردىڭ بىرىندە ۇستادى. ءتىنتۋ كەزىندە قاسكۇنەمنەن ءبىر مىلتىق جانە ەكى تەگىس ۇڭعىلى مىلتىق, پاتروندار, وپتيكالىق كوزدەۋىشتەر تاركىلەندى», دەپ جازىلعان الماتى قالاسىنىڭ پد ءباسپاسوز قىزمەتى تاراتقان حابارلامادا.
ايتا كەتەيىك, پوليتسيا قىزمەتكەرلەرى ازاماتتاردى زاڭسىز ساقتالعان قارۋدى ءوز ەركىمەن تاپسىرۋعا شاقىرادى.
سونىمەن قاتار قارۋ مەن وق-دارىلەردى تاپسىرعان ادامدار, ارينە, قانداي دا ءبىر قىلمىس جاساۋعا جەكە ءوزى قاتىسپاسا, قىلمىستىق جاۋاپكەرشىلىكتەن بوساتىلادى.