«استانا» وڭىرلىك قولباسشىلىعى اسكەرلەرى قولباسشىسىنىڭ باسقارماسىندا اسكەري قىزمەتشىلەر قازاقستان رەسپۋبليكاسى پرەزيدەنتىنىڭ جولداۋىن تالقىلادى. «قازاقستان جولى – 2050: ءبىر ماقسات, ءبىر مۇددە, ءبىر بولاشاق» ستراتەگيالىق قۇجاتىنىڭ نەگىزگى ەرەجەلەرىن ءتۇسىندىرۋ ءۇشىن قاراعاندى گارنيزونىنا قورعانىس مينيسترلىگىنىڭ اقپاراتتىق-ناسيحاتتاۋ توبى كەلدى.
قازاقستان رەسپۋبليكاسى قارۋلى كۇشتەرى باس شتابى باستىعىنىڭ ورىنباسارى, پولكوۆنيك مۇحامەدجان تالاسوۆ «استانا» وڭىرلىك قولباسشىلىعى اسكەري بولىمدەرىنىڭ كومانديرلەرىمەن, ولاردىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارلارىمەن كەزدەستى. سونداي-اق, اتالعان شاراعا گارنيزوننىڭ اسكەري پوليتسيا ءبولىمىنىڭ باستىعى, وبلىستىق اسكەري-تەحنيكالىق مەكتەپتىڭ باسشىلارى جانە قاراعاندى وبلىسى قورعانىس ىستەرى جونىندەگى دەپارتامەنتىنىڭ باستىعى قاتىستى.
كومانديرلەر اسكەري قىزمەتشىلەردىڭ جاس بۋىنىنا جاڭادان قۇرىلعان اسكەري-تەحنيكالىق مەكتەپتەر مەن اسكەري-پاتريوتتىق تاربيە ورتالىقتارى ارقىلى پاتريوتتىق تاربيە بەرۋ ماسەلەلەرىن تالقىلادى.
– مەملەكەت باسشىسى – قازاقستان قارۋلى كۇشتەرىنىڭ جوعارعى باس قولباسشىسى حالىققا جولداۋىندا جاڭا قازاقستاندىق ءپاتريوتيزمنىڭ يدەيالىق نەگىزىن نىعايتۋدىڭ ماڭىزدىلىعىنا توقتالدى. جالپى, قۇندىلىقتار ارقاسىندا ءبىز ءاردايىم جەڭىسكە جەتتىك, ەلىمىزدى نىعايتتىق, ۇلى جەتىستىكتەرىمىزدى ەسەلەدىك, دەپ پرەزيدەنت اتاپ وتكەندەي, ءبىزدىڭ الدىمىزدا وتانىنا شىن بەرىلگەن بولاشاق وفيتسەرلەردى تاربيەلەۋ تاپسىرماسى تۇر, – دەدى قر قك باس شتاب باستىعىنىڭ ورىنباسارى.
قاراعاندى گارنيزونى اسكەري بولىمدەرىنىڭ باسشىلىق قۇرامىمەن كەزدەسۋ بارىسىندا قارۋلى كۇشتەردەگى اسكەري ءتارتىپتى نىعايتۋ ماسەلەلەرى دە قارالدى.
«ەگەمەن-اقپارات».