پرەمەر-مينيستر ورىنباسارى – مادەنيەت جانە اقپارات ءمينيسترى ايدا بالاەۆا شىمكەنت قالاسىنا جۇمىس ساپارى بارىسىندا مادەنيەت سالاسىنداعى ىرگەلى جوبالاردى پىسىقتاپ, شاھاردىڭ تۋريستىك الەۋەتىمەن, قوعامدىق كەڭىستىكتەردىڭ دامۋ بارىسىمەن تانىستى. سونىمەن قاتار مەملەكەت باسشىسى قاسىم-جومارت توقاەۆتىڭ اتىنان مۋزىكالىق ءبىلىم سالاسى قىزمەتكەرلەرىنە مەملەكەتتىك ماراپات تاپسىردى.
ماراپاتتاۋ راسىمىندە ايدا بالاەۆا ونەر سالاسىنىڭ ۇستازدارى مادەني قۇندىلىقتاردى ساقتاپ, كەڭىنەن ناسيحاتتاۋدا, سونداي-اق وسكەلەڭ ۇرپاقتىڭ شىعارماشىلىق الەۋەتىن قالىپتاستىرۋدا ايرىقشا ءرول اتقاراتىنىن اتاپ ءوتتى.
ۇلتتىق قۇندىلىقتاردى دارىپتەۋگە جانە كۇي ونەرىن كەڭىنەن ناسيحاتتاۋعا باعىتتالعان «كۇي كۇمبىرى» رەسپۋبليكالىق اكتسيا-سىن ۇيىمداستىرۋ مەن وتكىزۋگە قوسقان ۇلەسى ءۇشىن پرەزيدەنت جارلىعىمەن بىرقاتار پەداگوگ ماراپاتتالدى. اتاپ ايتقاندا, «قۇرمەت» وردەنى ى.التىنسارين اتىنداعى №65 مەكتەپ-گيمنازياسىنىڭ مۋزىكا ءپانى مۇعالىمى گۇلفايرۋز ەلجانوۆاعا, «ەرەن ەڭبەگى ءۇشىن» مەدالى №46 مەكتەپ-ليتسەيدىڭ مۋزىكا ءپانى مۇعالىمى ەركەجان نامازوۆاعا, سونداي-اق «العىس» گراموتاسى №58 جالپى ورتا ءبىلىم بەرەتىن مەكتەپتىڭ مۋزىكا ءپانى مۇعالىمى گۇلزيرا دارجانوۆاعا تابىستالدى.
ۇكىمەت باسشىسىنىڭ ورىنباسارى وسى جۇمىس ساپارى اياسىندا شىمكەنت تسيتادەلىنە بارىپ, مۋزەي ەكسپوزيتسيالارىن تاماشالادى. ءىس-شارا بارىسىندا تاريحي-مادەني مۇرانى ساقتاۋدىڭ ماڭىزىنا توقتالدى. سونداي-اق ەتنواۋىلدا بولىپ, مۇنداي نىسانداردى ارحايكاعا بوي الدىرماي, زاماناۋي, كرەاتيۆتى ءارى يننوۆاتسيالىق فورماتتا دامىتۋ قاجەتتىگىن اتاپ ءوتتى.
ۆيتسە-پرەمەر اربات جاياۋ جۇرگىنشىلەر اللەياسىن دا ارالاپ, قالالىق مادەنيەت, گاسترونوميا جانە كرەاتيۆتى يندۋستريا سالالارىنداعى بىرقاتار جوبامەن تانىستى. بۇل رەتتە ول وسى اۋماقتا بوس جۇمىس ورىندارى مەن جاستارعا ارنالعان ماۋسىمدىق كاسىپتىك باعدار اقپاراتتارىن بەرەتىن جۇمىسپەن قامتۋ ورتالىعىن ورنالاستىرۋ مۇمكىندىگىن قاراستىرۋدى ۇسىندى.
سونىمەن قاتار كرەاتيۆتى ورتانى دامىتۋعا, جاس تالانتتاردى قولداۋعا, مادەني مۇرا مەن يننوۆاتسيالىق تاسىلدەر ۇندەسكەن زاماناۋي قالالىق ينفراقۇرىلىمدى قالىپتاستىرۋعا ەرەكشە نازار اۋدارىلدى.
وسى كۇنى ايدا بالاەۆا شىمكەنت قالاسىنداعى «جاستار» تەاترىنا بارىپ, مۇحتار اۋەزوۆتىڭ «ەڭلىك – كەبەك» تراگەدياسى جەلىسىندە ساحنالانعان سپەكتاكلدى تاماشالادى.
قويىلىم – قازاق دراماتۋرگياسىنىڭ التىن قورىنا ەنگەن, ۇلت رۋحى مەن حالىقتىڭ تاريحي تاعدىرىن تەرەڭ بەينەلەيتىن كورنەكتى تۋىندى. تەاتر ۇجىمى سپەكتاكلدى جاڭا رەجيسسەرلىك شەشىممەن ۇسىنىپ, كلاسسيكالىق شىعارمانى زاماناۋي ساحنالىق ءتىل ارقىلى جاڭاشا پايىمداعان.
ۆيتسە-پرەمەر تەاتر ۇجىمىنىڭ تىنىس-تىرشىلىگىمەن تانىسىپ, قىزمەتكەرلەرمەن كەزدەسۋ وتكىزدى.
«مەملەكەت باسشىسى مادەنيەت سالاسىنا ەرەكشە ءمان بەرەدى. پرەزيدەنت ۇلت رۋحىن اسقاقتاتىپ, رۋحاني تۇتاستىقتى نىعايتىپ جۇرگەن مادەنيەت قايراتكەرلەرىنىڭ ەڭبەگىن ءاردايىم جوعارى باعالايدى», دەدى ول.
بيىل «جاستار» تەاترىنىڭ اشىلعانىنا ءبىر جىل تولىپ وتىر. قازىرگى ۋاقىتتا تەاتر رەپەرتۋارىندا 10 قويىلىم بار. جاس تەاتر حالىقارالىق دەڭگەيدە دە تانىلىپ ۇلگەردى. 2025 جىلى الجيردە وتكەن «The International Cultural Festival of Desert Theatre» فەستيۆالىندە باس جۇلدەنى جەڭىپ الدى. سونىمەن قاتار 2026 جىلعى ساۋىردە فرانتسياداعى GRRRANIT – Scène nationale de Belfort تەاترى-مەن ىنتىماقتاستىق تۋرالى مەموراندۋمعا قول قويىلدى. بۇعان قوسا تەاتر يتاليا, كورەيا, كانادا ەلدەرىندەگى ارىپتەستەرىمەن بايلانىس ورناتىپ, بىرلەسكەن جوبالاردى جۇزەگە اسىرۋ جانە حالىقارالىق فەستيۆال ۇيىمداستىرۋ باعىتىنداعى مۇمكىندىكتەردى قاراستىرىپ وتىر.
بۇگىندە تەاتر ۇجىمىندا 145 ادام ەڭبەك ەتەدى. ونىڭ ىشىندە 50 ءارتىس جانە 18 شىعارماشىلىق قۇرام وكىلى بار.